關於少女的故事: 11-姊妹

跟住我地玩左陣跑Online就無玩。

劉曉晴無啦啦話想幫我梳頭鬢辮。

咁佢就幫我梳頭啦，仲梳得好舒服，霎時間覺得好似多左個家姐咁。

可能係因為我無家姐細妹啦，得個呀哥，所以先咁覺得。

最後佢好似攞我個頭當公仔頭咁玩，試左好多個造型。





跟住佢無啦啦話：「如果你第時結婚，記得搵我做姊妹喎。」

我：「下？好呀。到時呢，你應該叫我做陳太，而我就叫你做譚太。」

我：「唉也，好痛。」劉曉晴梳頭一時大力左。

劉曉晴：「Sorry呀，我大力左。」

頭髮扯斷左唔緊要，但朋友關係一旦斷左既話，又有幾多可以重來？





我：「唔緊要。」

我：「係呢，你諗住幾時真正認識譚越其呀？」

劉曉晴：「我ready好啦。」

我：「好。」







我用劉曉晴既電腦登入自己個Msn。

然後打開同譚越其Msn既視窗，傳送一個電震動。

我：「Hi！譚越其，今日我介紹個朋友你識丫？」

譚越其：「邊個？」

我：「佢叫劉曉晴，係同我同班既好朋友，佢好鍾意睇你打籃球嫁。」

譚越其：「我識你就夠啦。」

我：「咩呀？你唔想識多個朋友咩？」

譚越其：「見係你，介紹黎識下囉。」





我：「[email protected]，加佢啦。」

譚越其：「OK，add左。」

我：「話時話你點解叫做譚越其既？個名聽落去好似女仔。」

譚越其：「個名係我呀爸改架，意思係要超越自己咁解。」

我：「自己同自己鬥，然後越過自己咁既意思？」

譚越其：「係呀。」







我：「我可唔可以叫你做Yuki呀？」

我：「越其，Yuki！幾岩音呀，哈哈。」

譚越其：「…你鍾意叫咩就叫咩啦==」

呢個時候劉曉晴黑起塊臉，好似唔鍾意我咁樣同譚越其傾計咁。

我：「好啦，我要off啦，你同劉曉晴慢慢傾啦。」

我登出Msn，然後同劉曉晴講：「我返屋企啦，拜拜。」

我執好野，著好鞋，就揮揮手同劉曉晴道別。

唔知道，佢地既進展如何呢？





我搭車返到屋企之後，第一時間就係開電腦。

見到宇宙在線上，無幾耐，佢終於主動搵我：「Hi！」

佢繼續問：「你呢排去左邊呀？成日都唔on。」

我：「無呀，我閉關溫書咋嘛。」佢果然諗起我，哈哈。

宇宙：「我有D野想問你呀。」

宇宙：「我好似鍾意左個女仔，點做好？」

死喇，你鍾意既女仔係邊個？一定要係我，一定要係我呀！