關於少女的故事: 19-情傷

譚越其Kiss我呢件事，最後動搖到佢地兩個之間既關係。

過左兩日，聽于夏君講，劉曉晴同譚越其提出左分手。

佢地八個月既感情，唔知係咪會就咁毀於一旦呢？

我好內疚，如果我無玩True or Dare，咁咪咩事都無囉。

======劉曉晴視角======





Hello，大家好，我係劉曉晴。

三月十六日，係我鍾意既人—譚越其既生日。

雙魚座既佢，唔知同天秤座既我夾唔夾呢？

三月十五號晚，我叫左我最好既朋友－黃寶靈黎我屋企一齊整蛋糕。

我地整左兩個藍莓芝士蛋糕，一個我地自己試味，一個送俾譚越其。





我仲寫左一封情信俾譚越其，Dear譚越其：

譚越其，生日快樂呀，其實我而家好緊張，唔知你睇完封信會點呢？今次係我第一次寫情信。無錯，譚越其，我鍾意你，我真係好鍾意你嫁，雖然我同你只係識左一個月左右，但其實未認識你之前，我已經開始暗戀你。你可唔可以做我既男朋友呀？我會等你既回覆嫁。

By 劉曉晴

十六號，我地去左1D班搵譚越其。

我：「個蛋糕係我地整嫁，生日快樂！」跟住我就遞上蛋糕同一封情信。





譚越其好開心咁望住黃寶靈講多謝。

咦？佢望住黃寶靈既眼神點解好似怪怪地？.



======續 劉曉晴視角======

不過譚越其最尾都有望住我微笑，返到屋企之後，我滿心歡喜咁等佢既回覆。

點知，收到一個壞消息。

譚越其係Msn同我講：「對唔住，我諗我做唔到你男朋友，因為我已經有左鍾意既人。」

我：「邊個呀？我識既？」





譚越其：「黃寶靈。」

見到呢個名之後，我突然覺得晴天霹靂。

點解？點解咁多個女仔唔鍾意，係要鍾意我最好既朋友？

突然之間，我好嬲。我唔係嬲黃寶靈，亦嬲唔落譚越其。

我係嬲自己點解咁無用，掌握唔到自己既幸福。

如果我當初無派黃寶靈去試探佢，或者佢今日鍾意既會係我。

我含著淚，於Msn回覆一句：「希望你成功追到佢啦，祝你幸福。」





跟住我就將Msn假裝成下線，然後放心痛哭。

呢一次，係我第一次既情傷。



======續 劉曉晴視角======

三月二十二日，星期日夜晚。突然有一個電話打黎。

喂？原來係譚越其。

我：「做咩打俾我呀？」

譚越其：「劉曉晴，其實係咁既，我之前咪同你講話我鍾意黃寶靈既？」





我：「哦，係呀。」

譚越其：「其實，我同你講笑咋，我鍾意果個唔係黃寶靈，而係你呀。」

我：「下？真係既？」我突然充滿期望。

譚越其：「係呀，咁你可唔可以做我女朋友呀？」

我：「我…我，可以呀。」我好開心，咁大個女都未試過咁開心。

譚越其：「咁好啦，由聽日三月二十三日起，就係我地拍拖既Day1，OK？」我當然答左OK啦。

當時我亦無諗咁多，同左譚越其一齊之後，就無再過問佢同黃寶靈之間既事。





直到今年秋季旅行，譚越其揀左Dare，仲毫不猶豫咁行左去Kiss黃寶靈。

我好嬲，原來譚越其個心入面，仲係對黃寶靈有D野。