《單戀的故事》: Ch.11

Ch-10.5

「喂......無阻到你？」

「呃呃呃......無啊，你有嘢想同我講？」我緊張得聲音顫抖。

「係。原先打算再考慮多陣，但我決定唔再諗。

我曾經都失戀，同你一齊嘅日子，係我最開心嘅日子，我會因為你嘅微笑而快樂。



不知不覺咁，我想見到你笑，我想令你笑，我想......同你一齊。

我鐘意你......你接唔接受我？」

甚麼？？？

他......他向我表白嗎？這是現實嗎？我並非做夢？

「喂？你係咪......唔得？」Harry的聲線顯然失望。



「唔係！我我我接受你！我都好鐘意你！由我第一眼見到你，我就鐘意你！」為免他出爾反爾，我緊張得馬上答應。

他像釋懷般，放鬆得哈哈大笑，「咁多多指教......女朋友。」

「嗯！」

戲劇性地？我和他順利成章地成為情侶。
然而，我倆感情越深厚，我便隨之產生陣陣不安感，害怕有一天，他會離我而去。

不過，還是該好好享受此戀情為主。



Ch.11

熱戀三個月後的我們，感情仍然維繫得不錯，可是，他似乎不太投入，有時候經過一些地方，他都會放慢腳步，留戀該地的風景。

「你好鐘意呢度？」我不禁好奇問道。

「吓？唔係啊，無嘢，呃，我哋行啦。」他總會裝作一副安然無恙的表情，我可是你的女朋友呢，為何如今，我卻感覺彼此的距離遙遠得很。

我握緊你的手，你的心，卻沒有我的存在。

你的心事，我一無所知。

相處日子越長，你便可以向我敞開心扉，對吧？



也許只是我自己過慮了。
對吧？

這天，是你的生日日子，同樣地，是我為你慶祝的第一個生日。

「生日快樂！」

「多謝！」

「你有咩生日願望？」

「Ummmm......唔話你知！」

我為他的祝賀方式是親自下廚，我親自挑選新鮮食材，然後於他家中煮食。



初次到訪男友家中，居然有種莫名緊張。

我幻想中的模樣，本應是頗井井有條、整齊乾淨，擺放一本本的書籍，沒想到，周圍都是撲克牌......

「啊，我係魔術師嚟㗎，所以就會有好多道具同卡，不過而加就無玩。」他為我疑惑作出解釋。

「咁點解唔做落去？」他甚少向我提及過往的一切，我亦是剛剛得知他以往的職業，如今的他，簡直為斯文有禮的西裝文員。

「呢個職業，太幼稚太唔真實，或者做文職人員，先可以帶比人安全感？」他感嘆道。

「唔係啊，我覺得做魔術師好型，你可唔可以表演比我睇？」我期待他一展身手。

「Sorry啊，我金盤洗手㗎啦，對我嚟講，魔術係逝去嘅回憶，唔想再記起，亦無法接觸。」魔術為逝去的回憶？他到底在説甚麼？

現在的他，格外反常。