我：「不如比你電話我呀？」: 18

二月十四日 

情人節對於寡佬黎講係無意義既一日， 
但對我喱一個寡佬黎講， 
總算有番些少意義。 

由於我覺得佢冇男朋友， 
咁情人節有份禮物收下， 
女仔都應該會開心既？ 





所以我就決定比份禮物佢。情人節估唔到要陪兄弟過足大半日； 
我要陪兄弟夾公仔比佢地既「女神」。 


不過， 
都有啲好事發生。 

由於夾左好撚耐， 
夾埋夾左成幾舊水， 
而最後跌落黎既「戰利品」都係經我出手先夾到出黎， 




所以我理應得到其中一隻。 

而我， 
就決定將喱隻野成為禮物既一部分。 


話就話係小禮物， 
但我都唔想咁ＨＥＡ， 

於是我就買多左盒雪吻同一包乾花。






我小心翼翼咁將雪吻既汁邊拆開， 
將入面既朱古力倒出黎， 
只剩一顆。 

再將隻夾左百鳩幾蚊既公仔同埋包乾花塞入去， 
當然仲有張紙仔， 
再用ＡＡ膠封番口， 

就咁睇落去， 
喱盒根本就係一盒平平無奇既雪吻， 

又有誰能夠猜到它內藏玄機。

萬事俱備， 
只欠「糖水姐姐」喱個主角。 

果晚， 
就只係得我自己一個， 
走去附近等佢， 
等佢係果個巴士站再出現。



果晚佢比平時更加夜收工， 
不過我都等到， 
等到佢出現。 





一開始見到佢， 
都係照常吹下水； 

終於， 
我都按捺不住， 
我衝口而出再問：「係呢，可唔可以比你電話我姐？」 

「唔得。」 

下？唔係掛？你反口呀？


其實唔只係心入面諗， 
我自己都真係控制唔到自己把口， 
我細細聲咁「下」左出黎。 





佢笑左笑講：「比你電話我喇。」 

之後我仲竟然戇居居咁問：「點比呀？」 


當然， 
我之後就遞左我部手機比佢。 

而佢就入左佢既電話號碼落我部手機入面。 


係佢臨上車果陣， 
我嗌住佢， 
佢輕輕回一回頭， 




我就將果盒雪吻塞左比佢。 




總算完成任務。

 係架車駛走左之後， 
我立即就開番自己部電話睇下個whatsapp contact啦， 

睇一睇， 
有頭像架喎， 
真係佢黎喎。 

打蛇隨棍上， 
我諗左陣都發左第一個訊息比佢。 

跟住就好正常咁傾左幾句， 
佢仲影左張相傳比我， 
係我送比佢果份野； 

一切都好似好好咁， 
係一個好開始。 

點知我無啦啦見唔到佢既last seen ， 
而對話都終止左。 


但我仍然相信， 
喱個算係個好開始。