「喂!新哥!快撚D啄多兩下好去食飯啦!」

『咪快撚梗囉屌你老母!吹吹吹!信唔信我啄鳩爆你個頭?!』

坐喺部雞頭上面,“啪啪啪啪啪啪”真係好有快感。

細細個就好想成為一個大英雄,好似阿寶咁天生就係新人類,戇鳩鳩坐左上部高達後就拯救世界。

細個諗野係戇鳩D架啦,成日發白日夢可以為正義而戰,打倒邪惡勢力。





但好可惜我天生唔係一個新人類,我只不過係一個讀書唔成既平凡人...

平凡人可以點?咪想有朝一日會屎忽撞棍,俾隻蜘蛛咬一啖又好,俾個神經科學家改造DNA都好啦,總之突然由一個死廢柴遙身一變變成一個super hero囉!

等...日日都等...我日日都係道呆等...我呢個一等就厲害啦!一等就等左十幾年,都等唔到!

做人有時係要現實D...

「世界上邊有咁多超人呀?腳踏實地啦。」我記得當年我個老死司徒係咁講過,講完之後佢就腳踏實地咁唔知去左邊。





腳踏實地...唉...浪費左咁多年光陰發白明夢,仲點腳踏實地丫...

只好腳踏實地賣勞力啦...

賣勞力,做地盤,見人渣機都好似幾果癮,好似坐係高達既駕駛艙咁E Key Must!好啦,都總算叫達成兒時既我的志願丫...

「巫日新,你過一過黎,有D野同你講。」當我熄左部機,諗住同班兄弟食飯之際,仆街阿頭又點左我過去。

又唔知想點樣抽秤我啦...





「喂!你咁撚樣啄唔係路喎!啄到左一忽右一忽咁!啄到爛鳩哂核鳩突咁點見人?」阿頭指住塊地起勢咁媽叉我。

我望一望俾我啄到爛鳩哂既地諗左一諗...

『阿頭,啄唔鳩爛又點鳩樣啄呢?』

「哎呀呀!講糟口?我最撚憎人講糟口架喇我屌你老母!係唔係唔撚想勞呀?下?係人都啄得到我駛撚請你返黎啄呀?咁撚易做我就唔撚駛搵你做啦濕鳩新!」阿頭一路篤住我個頭黎屌。

『講道理姐...』你自己咪又係撚咁講糟口!

「講道理?都成三十幾歲人仲同我講埋D濕鳩道理?我話你聽我講既就係道理!你咪撚再駁鳩我呀!濕鳩新!」阿頭用力向我個頭拍左幾下就走左去。

仆街?身邊總有幾個。你唔仆街,人地咪仆你個街囉...

好啦好啦,食完飯返黎先再諗點樣可以唔亂鳩咁啄鳩爛塊地,整整齊齊啄到見得人啦...





「新哥,唔駛理個仆街講咪架喎!條友扮大佬咋嘛!」五個麻甩佬坐係大排擋後,阿超拍拍膞頭安慰我。

「係囉新哥,條仆街睇我地個個都唔順架啦!喺我地心入面你先係最大!」阿華又拍拍膞頭安慰我。

望住面前碟豆腐火腩飯,我真係好迷茫...

點解我會咁失敗...三十歲人仲要渣住部爛鬼雞頭扮渣高達自high...

仲要D後生既黎安慰...

英雄做唔成,狗熊都無我份...

做人做到好似我咁又做黎做嘜撚?





人生路既野就當我自己唔爭氣,成日發白日夢,宜家連碟火腩飯都仲要酸酸地...

我屌你老母係唔係連碟飯都要玩鳩我?

『我無野喎!一把年紀咩火都收哂啦!仲要做左呢行咁耐,有咩人未見過?更鳩屎都有啦!最緊要就係仲有你地呢班兄弟呀嘛!』對住呢班兄弟,可以話算係攞返少少尊嚴。

望住班兄弟,好彩仲有你地尊重我,仲當我係大佬。唔係既話三十歲人仲要睇D靚既面色做人真係死鳩左去算。

『張單等我埋得啦,你地返去先。』做大佬當然要霸氣D。

「多謝哂新哥~咁我地返去先啦~」班兄弟都好客氣。

而事實上係因為我肚痛又唔想失霸氣所以先洗走佢地,自己撳住個肚搵廁所爆爆石。

『嘩!屌拿星碟飯真係好撚有問題!從未試過痛成咁...呀!!!依!!!啊!!!』我一路屙就一路慘叫...





真係唔講得笑,我咁大個人真係咩都試暈,係未試過痛成咁架咋!

我一路屙一路標冷汗,一路標冷汗又一路係咁屙...

真係有無咁多野屙呀?屙到屎眼著火啦!

屙屙下屙到有D脫水...仲要有D暈暈地...

當我屙到半睡半醒,似夢迷離之際,我好似見到D野...

我見到廁格好似不停咁打轉,隔層板上D叫雞電話號碼好似飛左出黎咁飛黎飛去...

我見到面前隻烏蠅飛得好慢...慢到見到對透明翼上下拍下拍下...





眼裏面仲有五顏六色既強光閃黎閃去...

全身都好熱...熱到好似就黎著火咁...好似就黎要燒成灰燼...

發生咩事?

點解會咁架?

我係唔係就黎死啦?

我唔可以死架...

我仲未諗掂點樣可以唔亂鳩咁啄鳩爛塊地,整整齊齊啄到見得人...

我唔可以死架...

我仲未玩過中出...我又未試過口爆...連冰火都無玩過...

我唔可以死架...

我仲有好多野未做架...

突然強光一閃...我見到細細個,八、九歲時既我...擺出幪面超人既姿勢對住班死飛仔...

轉個頭就見到班死飛仔不停對我拳打腳踢...

瞓係地下既我完全無還手之力...

「瞓啦柒頭!」其中一個死飛仔伸多我一腳後轉身離開。

我慢慢爬返起身,震下震下咁再次擺出幪面超人既姿勢...

鏡頭一轉,見到瞓左喺病床上既我望住陌生既天花板...

我記得當時既我應該係中三。因為想令自己基因突變所以走去俾蜘蛛咬,結果中左毒瞓左係醫院...

嗰陣時孤獨既我無朋友,同學知我咁戇鳩就更加唔想黎探我,只係我背後笑鳩我...

睇返瞓喺床上既自己都覺得真係好撚戇鳩...

原來由細到大一直都做左咁多戇鳩野,難怪宜家成為一條死濕鳩...

我真係無用...咁都仲未明...我身處既社會,我成長既地方係香港...香港又點會有英雄?

比利生於香港極其量都係做個跟車仔,Steve Jobs頂多都係一個日日俾老細指住黎屌既高登仔。

香港除左炒股同炒樓之外,仲有乜撚?乜撚到無!

英雄?哈!好笑...搞笑...講笑...哈哈哈哈...

突然強光一閃...狹窄既空間...蔫肨爛臭既臭屎味...閃閃下既光管...

『屎坑?!頭先發生咩事?』我望一望,堆屎都仲喺個屎塔裏面...

真係臭到蔫!都係唔好諗咁多,快D搞掂走人!

當我整理好衣裝,行出個廁格,望一望塊鏡...

『嘩!屌你老母邊位呀?』我不禁大叫起黎!

眼見鏡裏面既人身高起碼有190cm,心口嗰兩舊肌肉無48吋都有45吋,件衫都就黎迫爆...

『呢個唔係我黎呀化?我個肚腩呢?點解會變左八舊腹肌?仲要有人魚線?』我摸一摸八舊朱古力...

痴線!真係唔敢相信!條牛仔褲仲要吊哂腳!

咩事呀?發生左咩事呀?

嗱!好老實一句,我就唔會諗D咩整估節目咁撚戇鳩。

現實生活中既你突然發生D咁既事第一時間絕對唔會諗起咩整估節目,第一時間緊係嚇撚死啦!

『屌!人屙屎我屙屎屙到有幻覺!真係虛!算!都係快D跑返去,唔係又俾阿頭抽插...』我手都唔洗,吧吧聲衝出廁所。

我一路跑...

『小心左邊。』

喺人多擠迫既行人路上跑...

『小心左邊。』

覺得D人行得好慢...好慢...

『小心左邊。』

穿過幾條馬路...

『小心左邊。』

覺得D車好慢好慢...

係D人行得慢,D車開得慢?

『小心左邊。』

定係我跑得太快?

除左跑得快,呼吸都好平均,好自然...而且反應好快,好易容避開街上既人,街上既雜物...

我好似唔同左,好似輕鬆左,諗野都自然左...

我可以一路諗住條路要點走,一路自然避開街上既野,一路感覺自己既心跳,自己既呼吸,甚至空氣既流動,陽光既折射都可以預測得到,感測得到...

呢種感覺太舒服...太爽啦!

我係唔係發緊夢?

唔理喇,唔想再理喇!

宜家實在太舒服,太爽啦!

當我跑到入地盤,跨過幾個鐵欄,跳過幾個大水池,巧妙咁避開幾架泥頭車...

「新...新哥...你好似變左樣咁既...唉!唔好理咁多啦!你去左邊呀?咁耐先返既?個仆街阿頭打鑼咁搵你呀!我幫你搵左個籍口話你去左幫我地拎材料要遲D先返!你快D去搵佢啦!」阿華一見到我就跑過黎同我講。

又係個仆街,慌唔係又問啄地既事咩,真係煩膠!

『得啦,我宜家就去。唔該哂呀。』

當我加快腳步,跑去搵個仆街既時候...

「呀!救...命...呀!」我聽到左上方不遠處有人求救...

我立即往上一望...我見到有一個人...俾鋼索勒住隻腳...倒吊喺空中吊吊揈...

『阿超?!』雖然阿超被雞頭吊喺四樓之高,但我都仲睇得好清楚佢既樣。

「仆街啦呢次!下面全部鋼根,佢跌落黎既話實死無生架!仆街啦...仆街啦...」身邊D人除左仆街之外就嘜撚都唔識。

呢個時候,先睇清楚四周既環境...

部雞頭已經吊到去四樓之高,況且勒住阿超隻既鋼索並唔係好緊,隨時會鬆開...

假如一鬆開,阿超就會兜頭插落地下D鋼根...

我要先計好時間,整斷鋼索,飛身撲救阿超,避開鋼根!

但要用咩黎整斷條鋼索呢?

我四周張望,東張西望,方圓十里除左七頭外,就只有...

『大水筒蓋?!』唔撚係呀嘛?呢個咩地盤黎架?

我拎起個紅色大水筒蓋,望左望...諗左諗...

「救命呀!!!我唔撚想死呀!!!」阿超鬼殺咁嘈咁叫救命。

屌!死就死啦!

我踏前兩步,左手渣住個爛鳩水筒蓋向後拉弓,瞄住條鋼索計好角度,用力一擲!

“颼...颼...颼...颼...颼...”紅色大水筒蓋一直向住目標飛過去...

「你 做 嘜 撚 野 呀 ?巫 日 新!」身邊D柒頭驚訝咁叫起黎。

我當然好少理,因為我已經向住阿超將會跌落既位置跑過去。

我已經計得好清楚,一定唔會計錯!

“砰”一聲響,鋼索真係俾個爛鳩水筒蓋砍斷,阿超亦開始落下跌!

我立即一跳,向住阿超飛過去...

一切都變得好慢,但我既動作好快...

時間岩岩好,我一手就接住阿超,係空中打左個筋斗,仲有時間放多個屁先再黎個前空翻落地!

10分10分10分10分10分完美!

在場個個柒頭都睇到目定口呆,戇鳩鳩咁望住我同阿超。

阿超直頭嚇到啞撚左,聲都唔聲下。

「新...新哥...你...你頭先係點樣可以...做得到...架?」阿華眼定定咁望住我問。

九唔搭七,都唔知你想噏嘜。

『其實唔難,劉華都可以掟完支綠茶再接返啦。我只係掟完個蓋接住阿超咋嘛,算得係咩?』你話係唔係先?

TO BE CONTINUED
已有 0 人追稿