恐怖蔓延令你一讀一驚心《攝魂偽術家》18+ 墮落始源: 第66章 - 女皇

女鬼頃刻之間消失殆盡，只剩下一潭血淚。雖然說是自作孽，唯沈碧君看在眼內，內心卻產生極度不安的感覺，如同失去摰愛，淚如雨下。

在對面大廈天台的暗角，有兩人在駐足觀賞這場人鬼大戰，二人邊看邊喝著紅酒，其中一個中年男子看得血脈沸騰，期間還伸手進褲浪解決生理需要。
「老鬼，成齣戲兩條女死剩個人有咩咁好睇？講到底係得對波大，乜依家我比唔起人咩？」女的說道。
「講身材同樣貌，又有邊個比得起妳依個女皇？」男的說道。
「乜你台戲摺咗都仲識講笑？」
「其實贏同輸都唔重要，我目的都係想拖姓陸條友落水，搵機會設計搞掂佢，依家佢中晒。至於做律師個條女同條差佬我未驚過。」男人喝下一口紅酒再說：「睇唔出妳對自己人出手咁狠，竟然用上毒咒將拍檔打至魂飛魄散、形神俱滅。」
「拍檔？件淫賤垃圾點可以同我比？依度有我一個就夠。所有背叛我投靠其他人的，無論係人定鬼，一律冇好下場，就好似依隻杯咁。」女子將喝到一半的酒杯從天台拋下，酒杯墜地一刻登時碎裂。

鏡頭一轉，沈碧君猛然記起施嘉莉，臨離開前她的狀態仍是面朝下般睡在床上，恐她會遭遇不測，遂不顧身上沒穿戴任何衣物，立即裸奔回原來的SPA房，希望把她救回。





回去後的沈碧君發現施嘉莉已經沒有心跳和呼吸，而且手腳開始冰冷，她立即向另一個自己問道：「陸無窮，成件事佢係最無辜的，可以令她翻生甦醒嗎？」
「佢嚮三個月前由墮崖個一刻起已經陽壽耗盡，妳見到她的一切都係假象，佢只係一個鬼魂的替身。」陸無窮說。
「你係判官，可以搵返佢魂魄，幫佢還陽嗎？」
「雖然唔啱聽，但人死不能復生這句話係真的，況且........」
「況且乜野？」
「況且我唔再係判官。」
「點解？」
「閻羅王已敕令我不可干涉五鬼嚮人間的活動，我曾為此而作出反對，但閻羅王拒絕說明理由，並且申明一旦犯規，便立即裭奪我判官身份，所以陰間的事我依家根本係理唔到。」