恐怖蔓延令你一讀一驚心《攝魂偽術家》18+ 墮落始源: 第101章 - 萬惡熔爐

從我踏入會客廳的一刻開始，便受到位於牆壁和天花的燈光劇烈照射，加上後來被迫跪在地上，根本無法睜開眼看清楚閻羅王的容貌。然而就在此刻，當我抬起頭駁斥他時卻看到他的攝人外表：此人有著一張冰冷如鐵的面孔，臉上的不同位置長出了鬍鬚。五官雖然公正，但毫無親切感可言，跟雕塑無分別。
「休得對閻王陛下無禮！」牛頭馬面一起說，並且立即上前將我拘押。
「姑且跟妳講落去。」閻羅王說，並同時提起左手長長的衣袖。「睇到我的衣袖嗎？嚮妳世界我屬於古代，但嚮依度，人類無論活於不同時代，死咗無法繼續輪迴的都會落嚟，久而久之，依度變咗一個非常擠迫的地方，鬼的數字遠超人類十倍有多，再加上鬼所擁有的怨念同埋孽障，令到地府變成萬惡熔爐。」

牛頭馬面各人從後拉扯著我的雙手，他們通過另一隻手使力按著我肩膀，使我整個人被牢牢釘在地上。即使身在地府，我亦頓感失去一切人身自由。
「閻王陛下，只要你開口的話，我定必為你效勞，點解你要搵五鬼去幫你辦事？」身體被囚的陸無窮勉強喊話。
「以前我的確係咁諗，但自從賈氏父子出現後，令我明白要管理好一班惡貫滿盈的鬼再唔係依靠單打獨鬥，而關鍵就係在於點樣去控制佢地，只要個別道行夠高的惡鬼能夠幫我控制其他小鬼，我會盡情滿足佢地慾望，放任俾佢地做任何野，話到底要判斷正義同邪惡亦只係觀點同角度之差。」閻羅王說。
「我係律師，嚮我世界非黑即白，絕不含糊。俗語話好人有好報，惡人有惡報，可惜我見到個答案偏偏相反，我想問點解世界咁唔公平？點解依度要係咁？」我說。
「我想同妳講，地府係一個充滿罪惡的世界，只有權力先可以平衡到一切。其實嚮人間的統治者又何嘗唔係咁？打敗仗死咗係咪代表邪惡？打勝仗成為王者到底又係咪代表正義？」閻羅王說。
「根本就係歪理，如果生死冊係一早寫好的話，咁點解你竟然縱容手下去害我個妹？如今佢生命危在旦夕都係因為你冇維護公義，因為你根本就係公器私用，甚至妄顧生命！依個完全係瀆職！」我說。




「原本我以為妳從陽間前來求我，估唔到妳居然出言頂撞，果然有趣。好！妳要救何定邦同沈倩兒我成全妳！只要妳應承用一樣野交換就可以。」閻羅王雙眼發亮地說。
「我預咗落地府係要換佢地條命，我已經有晒心理準備。」我說。
「我唔係要妳留嚮度咁簡單，而係要吞食妳元神，亦即係活人祭祀。」閻羅王說話同時，四周牆壁逐漸冒出多張面孔，當中有男有女，個個表情都痛苦萬分。
「你.......」我話還未說出口，喉嚨以至全身突然被牛頭馬面緊箍鎖扣。