（喪屍故）末世: （2）出路

「沙沙沙」電話另一邊傳來聲音

「睇嚟我哋要搵出路，又或者留守呢度，但我好有信心我哋絕對唔會咁容易就死」校長搖搖頭道

同學們都和應

「哈， 咁我哋到底係要點？」，只有我笑左一笑，佢呢一句根本就係廢話

喺亂世之中無人夠膽出聲，可能我就係呢個標奇立異嘅人。





校長叫咗我去佢間房

「O仔，或者你可能會好好奇點解我會咁講，講啲廢話有咩用？但係喺亂世之中大家都唔能夠肯定自己有冇可能生存多幾日，我只能夠穩定佢哋嘅心」校長：「你係聰明人，同聰明人講嘢嘅方法同對付蠢人嘅方法好唔同，呢一點你都會明，但請你相信我哋絕對會搵到解決問題嘅方法」

我突然間諗起《鹿鼎記》面，陳近南同周星馳飾演嘅韋小寶

『廢話』我心諗，「不如試吓去附近既學校，可能會有幸存者」「好我搵啲Senior Form 嘅同學幫手去搵下同佢哋溝通嘅方法」

「冇嘢嘅我返出去先呀」我





『原來校長都係一個老謀深算嘅人，諗住喺呢個亂世中攞到學校嘅話事權，不過咁多冗員，咪又係死路一條』我心諗

「喂呀，你唔好對校長咁高要求啦！」一個同學

「高要求？佢係話事人嚟㗎，你唔好話點解對我咁高要求？」我

「唉，同你講都嘥氣。」個同學

一啲同學仔都開始搵方法過隔離學校





不過學校已經比喪屍包圍住，我地都係搵唔到方法過去其他地方

突然我突然醒起操場附近泊車嘅地方，個頂嘅鐵皮可以俾我地拆出嚟，在喺地下用幾條大繩吊上去6樓

我地將嗰個鐵皮頂搭蓋喺我哋學校同隔離保1嘅空隙度，我哋就可以行過去，不過要搵一個夠膽嘅人試一試

「X，反正都係死，我行先」阿宙點着左支煙，行左過去

「喂！同學唔准食煙喎！」一個老師咁講

「收皮啦，係咪都死㗎啦，仲校規喎」阿宙一路向鐵皮橋行，一路講

「兄弟嚟㗎嘛，同生共死，我跟你行！」我