（喪屍故）末世: （18）分道揚鑣

「歡迎收聽電台節目『保命要訣』，我係節目主持人－于文，由香港喪屍病毒爆發至今已經兩個月喇，各區亦成立左唔同嘅倖存區，基本上香港已經淪陷，離島區會係最後一片樂土，以下等小弟為大家介紹各大幸存區：長沙灣幸存區(包括美乎、荔枝角)、屯天元幸存區（包括粉嶺）、三環幸存區（即中西區）、將寶城（將軍澳、寶琳、康城）、西九幸存區、油尖旺幸存區。有啲係較細嘅幸存區我就唔介紹喇！好，下次再見！」

「大仇得報，大家有啲咩想做？」我

「我想向離島出發」阿賢

「蒲台島！」我哋異口同聲講，大家相視而笑

「我想發展下呢度。」我





「我決定去蒲台島。」阿宙

「我哋都係！」阿永同阿龍

「我想自己周圍走。」駿少

「好，兩個月，兩個月時間，到時喺返呢度再見！最多遲一個禮拜，遲多個一個禮拜就當死咗。」我

「到時我睇下點先啦！」駿少





「你哋呢？」我

「好，兩個月後見！」其他人

我冇諗住問佢哋點去，我相信佢哋有自己嘅方法，期待兩個月後再見佢哋

畢竟都行開咗一段時間，我跟住阿Jack 喺協記四周圍行吓，見到周圍嘅行人，當中有啲陌生嘅面孔

「有幾多外來人嚟咗呢度？」我





「接近100個，大部份都係慈雲山或者黃大仙嘅街坊」阿Jack

「O仔，返嚟喇！」阿行

「係呀！」我

我哋嚟咗一個男人嘅擁抱，相視而笑

「可唔可以同我簡單講下而家附近嘅分佈？」我

「好，我哋附近嘅學校村中都有約四五百人未死，主要係由音樂中學同河塘中學師生組成。」阿行

「啲小學生呢？」我

「佢哋比喪屍爆發嘅場面嚇親，一窩蜂咁走，結果全部死晒。」阿行





「我哋可唔可以過去？」我

「可以，我哋用鐵馬同水馬仲有鐵皮木凳撘起咗一條小橋，行過去之後就同對面門口當值人員報告。」阿行 「話時話，而家你算唔算係我哋嘅領袖？」

「嗯⋯⋯」我

「傲、行，傲，委員會想見下你。」關Sir

傲，我嘅中文名，大部分人都會叫我做O仔。


「Hi，O仔！」一把柔和嘅聲線