（喪屍故）末世: （24）五餅二魚

我返到學校，上咗小禮堂同關Sir、家盈、阿行同子寧等人開咗個會。

「佢哋比人洗哂腦架啦，而且個教會又係異端，我哋唔應該剷除佢？」其中一個人

「間教會至少有六七十人，要打既話我地一定打唔過。」阿行

「據我分析，佢哋主要係因為冇嘢食先至會投靠嗰個教堂。我哋應該理性同佢地解釋下。」我

「我有個朋友會入去參加聚會㗎，不如由佢開始？」家盈





「可以吖！」關Sir

於是佢就帶咗Suki嚟，我哋解釋來龍去脈俾佢聽

「哦！唔怪之得你會入咗嚟啦，其實我一早知道佢哋係異端，我係專登混入去睇吓。」Suki

「唔怪得知啦，仲以為你咁蠢添！」我

「據我估計，佢哋應該會殺害一啲教眾分比大家食。」Suki





「同我嘅假設不謀而合！我發現佢哋教會一個花盆底係有血跡，我懷疑係神父殺左個教眾留低嘅。」我

「好簡單，只要解決咗佢哋糧食問題，自然瓦解左佢哋。」阿行

「一於等我、Suki同O仔混入去，話比佢哋聽我哋會幫佢哋解決糧食問題。」家盈

「但係我哋可以用咩方法解決？」關Sir問

「一於就五餅二魚！」我語出驚人





「吓？啫係咩意思？」大家問

「我哋嘅糧食當中有唔少嘉頓雜餅同魚仔餅，一罐雜餅大約有1.5kg嘅份量，教會中有約六七十人到，五罐雜餅同兩箱魚仔餅應該足夠佢哋食兩三日，水源佢哋本身已經有，相信可以解決到佢哋嘅問題。」我

「好啦，一於咁做啦！」大家異口同聲

過咗兩日

「入面嘅人大部份都係因為糧食，加上我嘅名氣，要安撫佢哋簡直易如反掌。」我自信一笑

「好，播種完成！」阿行

「直頭係時候收割添啊！一於馬上起行」我

———————————————————————————





我同阿行帶埋朗昇去到教會門口

「哇！咁正既......你地有肉食既？」朗逸問

我望住啲肉丸，陷入左沉思。

「哇！正啊！新鮮肉丸..！」朗逸問神父攞咗一粒肉丸食

新鮮？香港已經冇晒電源供應，理應唔會有雪櫃

如果冇雪櫃嘅話，點會有咁新鮮嘅肉丸

就係活生生嘅生物身上割肉出嚟整肉丸





我真係冇估錯，佢哋整人肉嚟食

「人陷入絕境嘅時候，宗教的確起到好大嘅作用，但如果太過依賴嘅話呢，反而會帶嚟危險。」我同阿行佢哋講

要佢哋醒覺，只有一個方法－就係公開神父嘅秘密

「喂，你做咩？」我

「Lur返出嚟囉，博取佢哋信任姐，唔使食人肉嘅。」朗逸

「仲以為得我諗到添。」我

「用屎忽諗都諗到啦！」朗逸

「其實都好明顯，正常都唔會有肉食啦，唔係人肉係咩呀？」阿行





其實大部份人應該都知道自己食緊乜嘢，佢哋只係自欺欺人

「各位！」我向教眾大聲講

「如果我可以令你哋有乾糧食，唔使食呢啲奇怪肉，大家會唔會一齊跟我推翻神父？」我高聲呼叫

「好！一齊順從教主吩咐！」之前叫我教主嗰三分一嘅教眾高呼

乜鬼嘢啊大佬，當我張無忌咩，又冇幾條女一齊爭我

於是乎佢哋就同支持神父嘅一批人打起上嚟。

「你個殺人魔！」我一刀斬向神父





「我錯喇！我唔應該用人肉整肉丸......應該成隻手臂攞去燒、應該要攞佢哋條賓州浸酒、應該將佢哋個屎窟燒咗嚟食呀，哈哈哈哈！」神父

「痴線佬。」阿行一把豬肉刀割開神父胸膛

「你知唔知呀，小朋友啲肉呢，特別嫩㗎！」神父

「變態佬！」朗逸將佢一刀封喉