（喪屍故）末世: （27）升官發財

今晚，整個小型幸存區前所未有咁齊人，平時宿舍（課室）、休息室、圖書館、醫療室同小食部休息同做嘢嘅人，都行出來交易廣場坐喺地上面，由於空間不足，有部份人挨住欄杆睇。


兩間學校嘅Edward 大叔同關Sir都係德高望重，幾乎每一次發言都令大家真心拍掌。一個人要受人尊敬同追隨，的而且確要有仁義道德同冷靜嘅頭腦。

「我今日正式宣布，我哋幸存區叫做慈雲山幸存區，有個正式嘅名。之後落嚟，我宣布委員會正式成立。成立原因，基於過往都只係得一班老師同學組成嘅委員會，大家都認為咁係唔足夠㗎。」關Sir

我準備出場

「經過我哋兩個諗過同討論之後，大致上會由以下嘅十人出任。」Edward 大叔





「首先係老師，由Lee Sir, 啟榮sir, 陳sir同吳老師。」Edward 大叔

頭兩個係我哋學校嘅老師。另外兩個，都應該係河塘嘅代表。

佢哋四人企上講台喺全場陣陣掌聲之中，向大家微笑、揮手

「之後落嚟，就係六個同學仔。」關Sir

「第一位，Marco，佢係負責訓練各位嘅委員。」Edward





Marco喺台上面大笑，雙手交叉撓住。

「第二位，朗逸，佢負責管理搜索A隊，A隊隊長。」關Sir

朗逸今晚著住一件黑色風褸，由於有傷在身，只係對台下淡淡微笑。

「第三位，軍豪，佢負責管理搜索B隊，B隊隊長。」Edward 大叔

「啪啪啪啪啪──」掌聲四起





「肥豪BBG!」有人高呼

「第四位，阿行，佢負責財政上嘅嘢，財政委員。」關Sir

「第五位，家盈，佢負責外交事務，外交委員」Edward 大叔

掌聲依然響亮

「第六位，O仔，我哋嘅總參謀長！」兩位異口同聲講

「繼續努力。」我上台之後，兩位同我握手講

「希望呢幾位委員可以喺嚟緊嘅日子應付日後要面對嘅資源問題。我哋有必要開始擴張對外搜索範圍。關sir





「參加搜索隊嘅決定係自願制，自願想加入嘅可以先去AB隊隊長到報個名先。」Edward大叔

總參謀長呢個職位，正正開始令我感受到，咩叫責任。

演講完畢之後，眾人就漸漸散去。

「Yeah！我哋升官發財了！」軍豪

「掂晒！」我

「你哋大個仔大個女，去飲酒，我嘅！」Edward 大叔

—————————————————————

大叔喺貨倉入面攞咗好多酒，有威士忌有白蘭地有伏特加等等。





「飲！」我

—————————————————————

「今日咁高興，我同O仔一於就喺度結拜為兄弟！」軍豪

「好！」大家飲得興起，亦開始起哄

「大佬！」我

「細佬！」軍豪

「哈哈！O仔你做契弟喎！」家盈醉醺醺笑住講





「好！咁高興，我飲！」Edward 大叔

————————————————————————

如是者，過咗一個星期。兩個領導人又同我哋開大會。

「我哋今日係想更新一下全港嘅勢力分布。長沙灣幸存區(包括美乎、荔枝角、荔景)由一個姓黃嘅人支配、屯天元幸存區（包括粉嶺）由三個首領-三公話事、三環幸存區（即中西區）由前政府人員控制、將寶城（將軍澳、寶琳、康城）由一家人話事嘅、油尖旺幸存區未知領導人係邊個、九龍寨（包括九龍塘同九龍城由一班自稱「九龍幫」嘅人控制住。油尖旺同九龍寨既有利益關係，又時有武力衝突。」關Sir

「我哋係咪要爭地盤？」我

「老實講，係！只有領土擴張我哋先可以有真正嘅安全。」Edward 大叔