凶港: (18)

我鎖上房門，諗住避一避佢地嘅攻擊。

個男人一腳踢開房門！

我攞起房中嘅衣架，作勢還擊。 「你...究竟係乜野人？點解要攻擊...我地？」我問。

男人一言不發，默默走上前，我用衣架反擊，但係佢好似無痛楚咁，繼續逼近... ...痴線佬呀！ 「睇嚟依幾日都幾好餸...」佢陰笑。

棍棒一擊打中我頭部，慢慢暈低咗，但係暈前我隱約聽到男人咁講... 乜野意思？好餸？





我失去知覺... ------------ 「哎喲...」我慢慢恢復意識... 我摸摸頭上嘅腫瘤，哇，好痛！

我，阿鋒，女神BB三人俾人綁住咗... 「阿駿，你終於醒啦...」阿鋒問。 「搞乜鬼呀？條友癲架。。。。」我痛苦。

阿鋒面有難色，表現得驚慌：「唔好...唔好問啦...」 「即係點呀？」我急於想知。

女神BB心有餘悸咁講咗句：「佢地...佢地想...」 「乜話？」我追問，女神BB唔敢繼續講落去... 我察看周圍，唔似我查過嘅兩間房，呢間應該係鎖咗嘅房... 周圍都係衫，衣物，房中嘅地下有好多血跡... 我心寒...同埋有d想嘔... 「哇！依度...我係咪暈咗好耐...？」我問佢地。 「你...已經暈咗兩日啦...」女神BB回答。

我話：「唔係下話...？咦，Tony仔呢？」 阿鋒搖搖頭... 突然間房出面傳嚟一陣陣烤肉嘅香味... 好香... 咦？





烤肉？

煮好餸？ 「Tony仔呢？佢去咗邊？」我大驚。 「陣烤肉味，就係Tony仔呀!」阿鋒按捺不住。

女神BB終於忍唔住，痛哭咗出嚟... WTF?

食人？ 「唔會嘅，唔會嘅...」我倒抽一口涼氣。

我再望望地下，有件校服...隔離有一部收音機。





部收音機咪Tony仔部怪雞收音機？

Tony仔！！！！ 「呀！！！」我咆哮。

突然間門打開咗，個女人手上揸住一條肉串，津津有味咁咀嚼。另一隻手攞住一支開山刀，指住我地... 「你地唔好嘈！係咪想快d死？」女人對我地講。

我驚一驚，慢慢安靜落嚟。

女神BB嗚咽。

阿鋒就咬牙切齒。

女人轉身出門，門閂咗，我慢慢喊咗出嚟。

依班癲佬！食人都做得出？





女神BB收收淚水，向我講：「阿駿...嗚嗚...我地點算...嗚嗚..好？」 阿鋒懊惱：「我...我唔甘心呀！要白白就咁死...！」 出邊香氣撲鼻，但我越諗就越恐怖。

Tony仔俾人煮咗嚟食... 我苦思對策...但係真係無辦法... 似乎依條路已經係盡頭啦...