紙言

是咁的，照顧過我嘅護士死咗: 二、林林





「該燴喇，報紙話佢屋企有冰壼呀，你慌佢唔係吸毒嚟咩？」

隔離病床個大媽用唔咸唔淡嘅廣東話發表偉論。

明明佢都有受過林林照顧，應該好清楚佢唔係咁嘅人嚟。

其實我同林林好少深入咁交流，連正正式式咁食個飯都未試過，最多都係喺樓下買下小食佢食。

林林得十五分鐘食飯，我見佢成日未食飽又要做野，所以會主動買啲小食比佢。





「我買咗牛雜你食呀。」

我會借啲已嗌痛，叫佢過嚟，偷偷地展示我走私入嚟嘅野食。