是咁的，照顧過我嘅護士死咗: 六、尿片
有次見到林林急急腳拎住包野衝入廁所，差啲撞到我，佢記得我好易骨折，即刻避開。
不過顧此失彼，撞到另一個女廁出嚟嘅大媽，跌咗包野，比佢操媽逼咗幾句。
林林就誠懇咁道歉，到個大媽一行轉背佢就反白眼反上宇宙。
「有無撞到你呀？」
我幫佢執起包野：「無呀。你拎住包尿片做乜呀？」
「咪問啦你！」林林搶走包尿片就入咗廁所。
佢咁尷尬，即係佢自己鴨啦。
林林嘅同事兼閨蜜德仔見到，走咗埋嚟：「無時間屙尿係咁架喇，你仲問。」
德仔係個基佬，個樣好搞笑，好似清潔龍阿德，我見親佢都忍唔住笑，同埋叫佢執垃圾。