是咁的，照顧過我嘅護士死咗: 十、阿連

「個靚女護士係男定女呀？」

「女囉。」

「所有女人都係雞，佢係女，咪雞囉。邏輯學上嚟講我有無錯先？」

阿連已經全身酒氣，面紅紅咁。

我無再爭論，事關相比我嗰少少不快，阿連比我更唔開心。

佢唔覺唔覺飲咗好多酒。

事關今日係佢第七次戴綠帽，佢話今日係慶祝佢第七次除帽嘅紀念日，決定唔再愛了，也決定不恨了，把整個靈魂關在永遠鎖上的軀殼。

其實唔怪得佢，媽媽又跟佬走，暗戀嘅女仔又被人追咗，初戀無同女朋友搞野但女女同個第三者搞咗，之後仲有六次被人以唔同嘅理由飛咗佢。