是咁的，照顧過我嘅護士死咗: 十六、一份小食嘅距離

所以話靚女真係唔好亂向毒撚示好，一舉手一投足都好易令人亂諗野。

好就好在我知自己係個毒撚，所以絕對唔會做越界嘅行為。

示好頂多停留喺買肥姐比佢食。

一份小食嘅距離，啱啱好，大家都唔會受傷。

最主要係我唔會受傷。

我拎起手機搵阿連，佢有覆我，證明無事。

「死過返生有無對女人改觀呀？」

「無呀，考慮緊中途轉機，個醫生幾靚仔。」

佢仲咁生猛，我諗暫時唔使擔心阿連住。