是咁的，照顧過我嘅護士死咗: 二十、悲劇

林林呢，你就唔會覺得佢有咩問題。

佢嘅語氣態度同行動都同平時無分別。要西你面就西你面，要反白眼就反白眼。

但細心留意，就會見到佢成日用力眨眼，同眼白多咗紅筋。

佢兩個同其他護士琴晚搞完單炒車，今日都一定好攰。

作為一個體貼嘅病人，我今日都係乖乖地安安靜靜，免得加重佢地嘅負擔。





痛就緊係痛架喇，話哂都三度地方骨折嘛。

但入得醫院嘅，邊個唔痛丫？

反正我咁多年嚟已經習慣咗，所以依種程度嘅痛楚我絕對可以安靜咁忍到佢好返。

當然，我點都無諗到醫療事故之後真係會發生喺我身邊嘅人身上。

我都係後來先知道，所謂嘅悲劇，其實真係無人錯。





而我做到嘅，只有心痛，喊，同埋接受。