是咁的，照顧過我嘅護士死咗: 二十六、嚟真

「噏乜呀你？咪玩啦，我講真架，我要做護士！」

「我要買GT丫佬。」

「你係咪冚親個頭呀？我話我要做護士呀！」

「我要買GT丫佬。」

「哼！我唔睬你呀！討厭鬼！」





十八子終於無哂癮，坐返埋位，細細聲抱怨：「明明講聲加油咪得囉⋯⋯」

見佢咁可憐，我都覺得自己好似好衰咁。

結果上堂嗰陣，我見十八子真係難得地無訓教，好認真聽書。

初頭我都以為佢玩玩下，三分鐘熱度。

點知過左成個月佢都仲認真聽緊書，講真佢啲男朋友都無邊個長得過一個月啦。





於是我就知，佢係嚟真。