是咁的，照顧過我嘅護士死咗: 二十九、小兒科

小兒科專科主要照顧對象係嬰幼兒，最主要工作係幫啲bb沖下涼餵下奶咁，相對地輕鬆。

「薯片！三角函數點計架？」

「三角函數？小兒科啦，拎嚟。」

所以先有俗語話啲唔難解決嘅問題係小兒科，但我估唔到當年隨口一句會變咗佢依家嘅職業。

工作比較有空閒時間嘅十八子趁放飯嚟探我。





至於我點解叫薯片，好明顯係笑我啲骨脆。當年十八子仲係爛玩妹，不良少女，成日咁叫我。

「喂薯片。」

「薯片！」

「薯片⋯⋯」

「薯～片～」





「薯片？」

我成日同佢講，真嘅野唔好拎嚟講笑。

話靚女係豬扒無問題，大家都知係玩。但話個醜樣嘅係豬扒，依個就唔係玩笑，係攻擊。

「我明架喇薯片。我以後都唔會嗌你做薯片架喇薯片。」