是咁的，照顧過我嘅護士死咗: 三十七、臭味

「叉住你把死人口呀。」

「咁你又話轉基。拎咗靚仔醫生電話未？」

阿連即刻冷哼一聲：「又再一次證明我嘅理論係啱，靚女靚仔係無好野，做醫生護士嘅都係無好野！你都唔知條友幾串。」

咁十成都係你串人先。

你態度差，人地都自然唔會想對你態度好。





「不如你試下好似對我咁對佢地，可能別有一番體會呢。」

「我先唔會。你點同呀，你明知碎骨都揹我嚟醫院喎，你無收錢架喎，仲搞到自己入埋廠喎。」

果然人雖然可以對親密啲嘅人好，但通常好難將依種好推廣到其他人身上。

「咁做醫生護士都可以唔係為錢架嘛，好似係。」

「佢地有人工架！」





就咁聽落好似有啲道理，但一時之間我又諗唔到個分別。

唔？話說點解真係有啲臭味嘅？

一啲絕對唔應該喺病房，甚至醫院出現嘅臭味。

「咩味⋯⋯」

呀，我知喇！有無錢收同為唔為錢係兩樣野嚟。





正當我想咁同阿連講嘅時候，前面就傳嚟一男一女鬧交嘅聲音。