是咁的，照顧過我嘅護士死咗: 八十二、餐蛋麵

當年阿連同老豆鬧交離家出走去咗我屋企住幾日，就講過佢阿爸話佢依代90後個個嬌生慣養，捱少少苦就喊苦喊忽。

「人都死咗啦。」

「你又做口德村村民呀？」

「𨋢到啦嘛。」我拐下拐下咁準備入𨋢，阿連即刻嚟傍住我。

「係喎，你掂唔掂呀？我扶到你返屋企先丫？」





「得架喇，上到去唔使理我喇。」

阿連望咗我兩秒，點點頭。

不過𨋢到之後，阿連都係扶到我返屋企先至走。

「煮埋野你食先？」

阿連好清楚我媽長年唔喺屋企，而我傷到咁睇嚟今晚晚餐都無著落架喇。





我同阿連都習慣咗照顧自己，所以做下家務煮下野食難我地唔到。

「我都唔知屋企仲有咩淨。」

「睇下咪知。」阿連走咗入廚房。

最後我嘅晚餐係餐蛋麵。