是咁的，照顧過我嘅護士死咗: 九十一、你可以當我係女人架

喺骨科入面，唯一一個可以頂羅護士嘴嘅人就係林林。

佢地同事圍內叫羅護士做大蘿，話佢無料扮四條，鍾意玩官僚主義，係腐敗制度嘅忠心僕人。

至於林林嘅風評，除咗話佢係工作狂之外就無咩唔好。

私底下大家都覺得林林先係sister，而大蘿就係名不副實嘅花樽，入面仲插住食人花。

雖然我本身已經對林林有好感，但聽到外界對佢嘅風評咁好都忍唔住想更加了解林林。





「其實林林又靚身材又好，唔會無人追架下話？」

我唔講林林嘅內在，因為被人追嘅理由，靚同身材好已經足夠有突。

「咩呀？你又想追我姐妹咩？」

「德仔，其實你係基定係danish girl呀？」

「你可以當我係女人架。」





我呆咗兩秒。

「sor呀當唔到。」

除非政府講到明清潔龍阿德係女啦。