是咁的，照顧過我嘅護士死咗: 一百零七、大雄

佢遞比十八子，逐個指住，好騰雞咁解釋：「呃⋯⋯依依個係我手機，依個係我屋企，依依依個我爸爸嘅，依個我媽咪嘅。如果搵唔到我可以搵我媽咪，我媽咪一定搵到我。」

「咁如果打比你媽咪，我要搵邊個先？」

「我我我我叫大雄。」

十八子對幾個電話號碼好滿意：「你新嚟架大雄？平時唔見你嘅？」

「我今日啱啱返工架。」





十八子伸手，同大雄交握。

「加油呀。」

「嗯。我我我我我做野先喇⋯⋯」

大雄揸住自己隻手好興奮咁走咗去，之後佢落單同送餐都無用過隻右手。

其實我本來心情已經唔好，再見埋十八子抄人牌，心情更加差。





我黑哂面咁大力吉啲沙律入口。