是咁的，照顧過我嘅護士死咗: 一百零九、無胃口

本身用力叉沙律嘅人係我，依家變成咗對面嘅十八子。

佢望向我個碗入面嘅爛番茄，皺起眉頭，好似想作嘔咁。

「我唔食喇，無胃口。」佢隨手推咗自己碗沙律去我度，然後成個人挨向後。

「點解⋯⋯林林唔係好人？」

「由得個支那人摟會好得去邊呀？支那人沒有一個是無辜的呀，你無聽過咩？」





聽到十八子話林，我差啲忍唔住握實拳頭。

冷靜⋯⋯冷靜⋯⋯

「⋯⋯呼⋯⋯深呼吸深呼吸⋯⋯乜你同支那有仇咩？」

十八子唔望我，拎住杯珍珠奶茶喺度飲，一直皺住眉。

無耐，佢放低杯野飲，望實我。





「你知唔知我點解會轉嚟小兒科？」