是咁的，照顧過我嘅護士死咗: 一百一十八、第一手衝擊
十八子可以接受雙非父母落嚟生仔，因為佢都大致知道大陸嘅情況。
不過落嚟生完之後又置之不理直送孤兒院，又係咩玩法呢？
「你叫我去信佢地作為父母人性光輝嘅一面，對唔住，我真係做唔到。」
十八子好明顯無哂心情食野。
老實講我對大陸人嘅感受係中性偏負面。
除咗閒時被人吐痰擊中，被啲好似打比宇宙人聽嘅乞痴嚇到個心離一離，被水貨客啲喼神車親腳之外，其他負面印象都係嚟自新聞同討論區。
最近一次令我大為反感嘅就係鐵拳大叔單野，又令我對佢地嘅好感度下降。
不過十八子係喺前線接受第一手衝擊嘅人，即係同東薈城洗廁所啲姐姐一樣。
嗰班姐姐會討厭大陸人其實唔難理解，事關港珠澳通車之後啲廁所就愈嚟愈多花式屎尿，洗幾廿年廁所嘅阿姐一見到都會忍唔住呆哂，體驗人生第一次對屎坑嘆為觀止嘅震撼。