是咁的，照顧過我嘅護士死咗: 一百二十四、幾個月見一次
「嗰日開始我就知道，自己再係咁落去唔得掂，所以我遲咗工，等自己放個假，慢慢沉澱下自己見過嘅事，同抒發咗啲負能量佢。」
我無聽佢講過依段過去，即使比對返我同佢喺嗰段時間相處嘅記憶，我亦無察覺到佢有抑鬱。
「你乜都唔察覺架啦，你咁遲鈍！」
「咁我地出嚟做野之後都係幾個月見一次之嘛。」
有時一個月見一次，真正嘅普通朋友係咁上下啦，見得太多我驚我日久生情。
「我見你同平時都無乜分別丫，都係飲酒啫。」
「咁人地咁耐先見你一次，梗係唔想自己啲負能量影響到你架啦。同埋由細到大你幾時見我訴過苦丫？咪又係自己捱。何況講出嚟你都幫我唔到嘅。」
十八子望住自己杯珍珠奶茶，攪呀攪，攪呀攪。