是咁的，照顧過我嘅護士死咗: 一百三十六、我知一定會搵到
或者係受到網上某啲扭曲嘅價值觀影響，少數嘅人又會再次陷入悲劇嘅輪迴之中。
「姑娘⋯⋯我⋯⋯我係咪已經無被愛嘅資格喇？」
因為同前男友落過仔，但暪住新男友一齊，到終於能夠真正信任對方將傷痛講出口嘅時候，得嚟嘅唔係接受，而係中出即飛同wtsapp入面嘅一句「臭雞」，嗰個女仔又因為嗰一次而再要落仔。
「唔好成日睇討論區啲post。你會搵到一個真正接受你嘅人，放心，李姑娘話嘅。」
「咁你搵到未？」
「我⋯⋯我都未搵到，但我知一定會搵到。所以李姑娘陪你一齊等。」
喺阿may自殺之後，可能因為墮胎議題浮咗上水面，令當時嚟做手術嘅人少咗。
但過咗一段時間，件事凋淡咗之後，一切又回復正常。