是咁的，照顧過我嘅護士死咗: 一百三十八、一旦麻木
但即使咁樣，十八子都無麻木過嚟。
即使同事已經同佢講過：「做屠夫如果對動物有感情，痛苦嘅係你自己。劊子手係唔可以愛死囚架，麻木啲啦，依個世界唔適當咁麻木就無辦法生存落去。」
曾經有段時間，十八子已經被現實折磨到投降。
佢幾乎每日同自己講要麻木，佢好想麻木，但就正如失眠愈想瞓就愈瞓唔到一樣。
十八子愈強逼自己，反而變得愈敏感。
「或者係我嘅身體同我講唔好啩。」
而正因為嘗試過但麻木唔到，過咗一排佢先有機會自我反思。
嗰一刻，佢好清楚一旦麻木，就代表違背初衷，亦背叛咗過去喺孤兒院宣言唔會麻木嘅自己。
佢好清楚只要開始麻木，自己就再唔係以前想做護士嘅自己。