是咁的，照顧過我嘅護士死咗: 一百四十四、漫長等待
於是我真係走咗去女廁附近棟喺度慢慢等。
由細到大都習慣咗喺醫院進進出出，一般而言醫院都係一個沉靜嘅地方。
醫院係唯一一種每日都包含生死輪迴喺裡面嘅建築物，有舊生命嘅離開亦有新生命嘅來臨，有人歡喜有人愁。
而就算只係相隔一張床位嘅距離，兩個人嘅命運都會截然相反。
我諗住啲無謂野繼續等，企到左腳攰就將重心轉去右方，借拐杖嘅力。
等到我急尿，去咗轉廁所，出嚟再等，林林都未出現。
唔知鴨住尿片幫人打針係咩感覺架呢？
條片就滿瀉嘅時候，咪行快步都唔得？
點解林要為咗照顧病人去到咁盡呢？