是咁的，照顧過我嘅護士死咗: 一百四十九、擔心你吖嘛

「食啲野先啦你。」

「點解你會喺度嘅？」

「我擔心你丫嘛，咪等你醒囉，假都請咗喇。」

「吓⋯⋯咁點好意思呀⋯⋯」

死喇，係咪我做多咗被林林發現我對佢有好感呢？





諗落又係喎，我又唔係佢親人竟然等到佢醒為止，我地明明連朋友都唔算係，只係護士同病人嘅關係嚟。

在情在理我都唔應該等佢醒，死啦，今次真係多咗喇老婆你就多咗喇。

「啊⋯⋯我走架喇。你醒返我就安心哂，我依家走架喇。」

我察覺到自己嘅行為過哂界，當堂無地自容，快快脆脆𢲡埋枝拐杖就起身走。

手袖感到一道微微嘅力。





同我離開方向相反嘅力。

微細嘅拉力，令我停止離開嘅動作。

「唔好走。」

林林微微垂低頭，塊面有啲啲啲啲紅，怕怕醜醜咁講。