是咁的，照顧過我嘅護士死咗: 一百五十一、救星

佢無再講野，我諗佢叫我留低，應該係因為寂寞？

事關由琴晚到依家，內科探病時間嘅六至八點，差唔多一日嘅時間入面，完全無人嚟睇林林。

既然醫生話聯絡唔到佢屋企人，咁睇嚟佢屋企都係有啲故事架喇。

林林靜靜咁食粥，我望住佢有啲白嘅雙唇吸吮啲粥水，有少少爛飯痴喺嘴唇個樣。

「唔？你做咩打冷震？」

我真係唔識答，好彩依個時候我嘅救星嚟到。

「林林～咦？金仔你都喺度呀？」