是咁的，照顧過我嘅護士死咗: 一百五十三、高官嘅近義詞

「你個衰妹實係琴日無食飯啦。」德仔對此感到非常不滿。

林林慚愧咁點點頭。

德仔叉住腰：「你再係咁落去真係唔掂架喎。」

其實林林已經習慣咗可以一日先一餐，有時忙起上嚟返成日工都食唔到正式一餐，不過都未至於會暈低。

今次暈低，係身體嘅大警號，唔可以忽視。





「係時候請假抖下喇你真係。」

「唔得呀，我請假你地頂唔順架。」

「咪癲啦，我地其他人放假嗰陣你咪又係咁頂。無話無咗邊個唔得，要頂一定頂得順。」

大家都係公務員，佢地就請日假都難，我就返唔返工都無所謂。

不過我只係啲拎萬幾銀人工嘅冗員，總好過拎十幾萬入立法會瞓覺同睇咸片嘅高官。





咁諗法，原來喺香港，高官係冗員嘅近義詞嚟喎。