是咁的，照顧過我嘅護士死咗: 一百七十八、你睇下
「其實使乜分香港人大陸人。我咁講唔係否認大陸人佔用我地嘅資源，因為依個係事實。只係喺我眼中，其實入得嚟醫院嘅，個個都係病人。」
任何地方嘅醫院，都唔係任何人主動想去嘅地方。
因為醫院係一個伴隨傷痛、慘叫、血腥、醜陋同陰鬱嘅地方。
入醫院嘅病人，總係逼不得已，而探病嘅家屬亦一樣。
醫院唔係餐廳，亦唔係旅遊勝地，入得嚟嘅人都必定身懷某啲不適同痛苦。
所以全部都只不過係身懷痛苦嘅人類。
「好難想像，咩叫個個都係病人。」
林林望住車窗外面，雪白嘅手指敲一敲玻璃：「你睇下。」