是咁的，照顧過我嘅護士死咗: 一百八十一、第一日
阿叔就遇著無乜良心嘅醫院，但都無乜辦法。
無良醫院周街都係，就算過隔離醫院都係被人鑿一筆，睇下多定少咁解。
阿叔對大陸嘅醫療體制失去信心，但啲無用檢查已經用咗佢大半生嘅積蓄，而太太亦痛咗半年都未知痛楚嘅真正原因。
直到太太身體有啲地方開始出現腫脹，背痛加劇，阿叔就下定決心用剩餘嘅積蓄帶佢落嚟香港。
而佢食煙嗰日，就係太太痛到頂唔順要入院嘅第一日。
極度緊張嘅阿叔急需要食煙放鬆神經，其實大陸禁煙之前有啲醫院附近會設有吸煙區，阿叔以為香港醫院都有，點知左問右問都無，最後終於頂唔順就咁食煙，就被林林捉到正。
林林見人食煙已經扯哂火，一野行上前已經開口鬧人。
阿叔見來者不善，自然扯火鬧返轉頭，演變成當日嘅衝突。