是咁的，照顧過我嘅護士死咗: 一百九十八、可惜

「乜你⋯⋯有感動咩？」我完全感覺唔到。

林林聽完，表情軟化，終於放過我，望向天空。

「原來你係咁啱屎忽撞棍。」

「呃⋯⋯你有無打算解釋下咩事咁？」

林林再望向我，面頰慢情泛起紅暈，再用力將頭轉去另一邊。





「唔話你知。」

我同林林並排咁望住夜空。

林林指住夜空：「依家啲人仲未瞓哂，啲燈仲好光，唔係太見到星星。但係再夜啲，啲燈幾乎熄哂，就會見到星空，好靚架。」

可惜我身上有傷，無得同佢並排坐上欄杆。

可惜周圍無人，無得同林林影一張合照。





可惜我同佢喺依個時間嚟到，睇唔到星空。

可惜，我到最後同林林，留低嘅係一場「錯過」。