我喺公司望住一張張分成條狀嘅廢紙,以前都無覺得自己咁廢,依家覺得自己愈嚟愈廢。

直到放工,我同阿連一齊返屋企。

無聊嘅一日過去,返工我向來都知係出賣靈魂換錢養身體嘅行為。

但聽完德仔嘅夢想,對返依家份工就開始有莫名嘅厭惡感。

「阿連,你有無夢想架?」





阿連嗤之以鼻,頭也不回。

「夢想,幾錢斤?」

之後我地喺同層分別,各自返屋企。

由細到大,我從來唔知阿連鍾意做乜,亦唔知佢想成為一個點嘅人。

開門入屋之後,我發現手機有一則新短訊,我懷住期待又驚期待落空嘅恐懼打開手機。





啊!!!!!!!!!係林林!!!!!!佢send返張相畀我呀!!!!!