是咁的，照顧過我嘅護士死咗: 二百一十、畫返畫？

我完全當第二朝要返工無到咁畫草圖，直到一點幾媽媽收工返屋企為止。

「咁夜仲唔瞓？」

佢喺外面見到我開咗燈已經準備發火，但伸個頭入嚟見到我做緊乜之後，佢竟然有啲出奇。

「畫返畫呀？」

「嗯。想送幅畫畀一個人。」

「女仔？十八子？」佢好期待。

「先唔係佢囉。」

媽媽驚訝咁擘大口。

「邊個嚟架？你小心喎，唔係鍾意人下話？我驚你又被人hurt呀。」