是咁的，照顧過我嘅護士死咗: 二百二十四、咸濕仔

幾經辛苦終於去到樓下，我有遮都整濕咗，而十八子已經全身濕哂。

水珠喺十八子髮尖落下，滴到佢雪白嘅頸上，流過鎖骨，被連身裙吸收。

白色嘅連身裙透出湖水綠色嘅胸圍，乳溝約隱約現。

桃紅嘅嘴唇一開一合：「咸濕仔。」

我即刻轉移視線。



「快啲上去換衫先啦，唔好冷親。」

沿途行去搭𨋢，唔少經過嘅阿叔都對十八子眼望望。佢唯有用手護住自己心口。

而我，見到阿叔望佢嗰陣就將十八子移去我身前，用自己嘅身體遮住班咸濕伯父嘅視線。

入到軴，十八子退到角落，我企佢面前。

啊⋯⋯



背脊傳嚟柔軟嘅觸感，十八子依靠住我，濕水嘅冷冰雙手抓住我件衫。

好彩班咸濕伯父喺唔同嘅樓層出去，上到屋企嗰層嘅時候，已經得返我同十八子。