是咁的，照顧過我嘅護士死咗: 二百七十六、啪！

德仔佢⋯⋯直到寫遺書嘅最後一句都係為林林著想。

之後林林走咗去同大籮理論，而唔使諗都知對方一定死口唔認。

「你話我害死個基佬？證據呢？」

林林展示德仔嘅遺書。

「佢作故仔唔得架？仲有自述根本唔算係證據。」



明明眼前就係害死德仔嘅兇手，但就乜野都做唔到。

林林怒視大籮，握拳嘅指甲拮入掌心。

「你條氣唔順咩？眼超超咁。」

「道歉⋯⋯」

「吓？」



「向德仔⋯⋯道歉。」

「點解要同個死乸型道歉？做錯野嗰個係佢。」

「德仔佢係男人嚟架！！！！」林林舉手揮落，但喺擊中大籮塊面之前停住動作。

「咩呀？打吖！夠膽你就打！」

啪！