是咁的，照顧過我嘅護士死咗: 二百八十一、等你份禮物喇

手機震動，係林林傳嚟。

「我仲以為你會送我返去。」

「我覺得你需要靜下⋯⋯」事實上係我唔夠膽再一次主動話要送佢返去。

明明之前都試過，但今日又鼓唔起勇氣，簡直好似段譽招六脈神劍咁，時靈時不靈。

「我都的確係。你啱啱嗰句，同我講咩？」





我打咗句「加油」，但又頓時覺得依句說話喺手機打好似好廢，於是就改咗。

「遲啲送樣野畀你，希望你可以幫你打打氣。」

「你句野鬼有咁長。」

「總之你要頂住啦。」

「咁我等你份禮物喇。」





就係咁，我更加有動力完成幅畫。