每日返屋企都趕功一輪,我唔知其他創作人係點,但其實要畫一幅畫所花嘅時間,我諗真係同寫一章小說差唔多。

好彩嘅係我張畫紙係A3大細,如果嗰啲大畫板分分鐘真係畫一年都未畫好。

依家已經到咗上色嘅工序,好快會完成。但整個過程都係非常咁孤獨。

對於創作,外人跟本幫唔到手,而每個夜晚畫到唔瞓嘅人都只會得自己。

有好幾次我都覺得自己畫唔到落去,無信心完成幅畫。





但只要一諗到林林依家落哂形個樣,再幻想下如果我幅畫真係可以令佢開心少少,諗到佢淺淺嘅微笑,我又會充滿力量。

每次諗起林林,我就有動力繼續畫落去。