是咁的，照顧過我嘅護士死咗: 三百零四、呷醋

「應該唔係想呃我嘅。」

「唉，知你啦，你都係想講佢keep住回你係對你有興趣啫，你咁諗開心啲就咁諗啦。但我可以同你講，唔係你諗嗰啲興趣！佢一定係想搵你著數架！」

「我依啲公屋窮撚，點會哂心機搵我著數呀，以佢嘅條件要玩都搵隻金龜玩啦。」

十八子好似聽到我講中謎語答案咁用手指狂指我：「呢！嗱嗱嗱！啲阿叔咪就係咁諗！」

硬係覺得十八子對林林嘅指控有啲唔理性，好似已經認定咗林林係衰人咁。



不過對於佢用嘅大陸女人嚟形容林林，我就真心覺得唔舒服。

「你都識講嗰啲係大陸女人啦，關林林咩事。」

「你唔記得我講過支那人沒有一個是無辜的咩？」十八子揑住我塊面。

「咁都係支那人啫，林林又唔係。你唔可以因為人地同我可以溝通就呷醋，將對大陸人嘅厭惡投射喺林林度架喎。」

「我無呷醋！」十八子谷起塊面，好似隻食飽野嘅倉鼠咁。



「你有。啊痛痛痛痛！」佢用力拉我塊面皮，痛到我即刻投降。

「有無？」

「無無無無無！」