是咁的，照顧過我嘅護士死咗: 三百三十四、故仔

雖然啱啱表白嘅衝動已經被理性壓制咗，但我已經決定咗聽日送幅畫畀林林嗰陣要表埋白。

成功又好失敗又好，無論咩結果我都會接受。

時間大約係十一點九，已經就到林林屋企。

我好想喺表白之前同佢講我知道佢係咩人。

等佢明白，就算佢係大陸落嚟，我都鍾意佢。





「林林呀。」

「嗯？」

「其實⋯⋯我知道你係大陸落嚟。」

佢微微耷低頭：「你點知架？」

「係十八子⋯⋯李姑娘佢問過關於你嘅事。因為我地由細玩到大，佢無見過我同女仔可以有正常嘅互動同溝通⋯⋯所以就好奇想打聽下你係咩人。」





我梗係唔會將十八子嘅說話，即係「驚你呃我」直接講啦，當我傻的嗎。

林林淡然一笑：「無錯。我係呀。」

佢望一望手機，之後話：「仲未夠鐘，你⋯⋯聽唔聽下我講故仔？」

我點頭：「聽。」