是咁的，照顧過我嘅護士死咗: 三百六十五、夢

嗰晚瞓著咗之後，我發咗個夢。

夢入面嘅我同林林喺南山邨彩虹橋。

「我要走喇。」佢話。

等陣先呀⋯⋯林林，你要去邊度？

唔遠嘅地方，有一個老人家，面帶慈祥嘅笑容等待林林。





「嫲嫲無呃我。佢一直都喺度等我。」

「你要⋯⋯去搵嫲嫲喇？」

林林點頭。

我抬頭望向夜空，仍然無星星。

「但你仲未同我一齊睇星星喎。」





林林撫摸我嘅面容，接觸嘅感覺太實在，令我覺得自己根本唔係發緊夢。

佢無講野，下巴輕輕抬高，封住我嘅嘴。

「拜拜。」

林林行向老人家，佢地面向我，林林口中唸唸有詞，但我聽唔到佢講乜野。

貶眼之後，成個南山邨，只淨返我一個。