P.155

劉備在飛虎隊服役期間,被旺角反黑組警司劉元起召來交給他新任務。就是叫他馬上辭掉警察工作,做臥底!接近目標人物和英堂坐館姑爺文。
劉元起:[呢個人除咗係社團坐館外,喺金三角同當地最大毒梟木猜將軍作毒品買賣,再分銷至九龍區,而且生意越做越大。香港警方已連同國際刑警合作,只要我哋拘捕姑爺文,國際刑警順藤摸瓜再將金三角一網打盡 。]
劉備:[點解要搵我?]
劉元起:[我哋需要一個智勇雙全又生面口嘅人混入去,你當差得幾年會容易啲。姑爺文出名唔信人,以前有個師兄仲未埋到佢身畀佢發現咗滅口,所以需要更加小心。]
劉備:[聽你咁講,我仲去呀!]
劉元起:[所以今次目標先唔係直接埋姑爺文身,係向佢女人Elaine埋手,情報科線報講姑爺文最信任佢,佢身上隨時袋住姑爺文啲交易紀錄。而且佢本身係南太極國人,你哋係同鄉容易接近。我哋香港警察部數埋唔夠五個人識太極文,除咗你個個都幾廿歲,唔搵你我可以搵邊個去?]
劉備:[咁老實講,要Elaine出賣佢,唔係我嘅女人,唔會幫我做嘢!咁即係要我欺騙感情啫?]
劉元起:[我哋警察部邊個唔知你賺錢買花戴呀,揸跑車返工,又成日換畫咁風流。你仲肯做呢行,係因為你心目中有一個使命,叫做正義!你今次為香港市民做返啲嘢,揞住良心一次咁多啦!任何事情喺正義面前都係次要,可以救番好多人!仲有呀!Elaine真人靚過好多大明星,你咁靚仔唔搵你搵邊個?]




劉元起拿出情報科偷拍Elaine的照片,果然所言非虛,不只劉備,幾乎看過照片的男人也會心動,但這件事的確太不簡單:[妖!講呢啲!我要諗諗先,或者有冇第二個辦法?]
劉元起:[情報科講姑爺文好快會同金三角做大買賣,我哋冇咩時間。唔好諗啦!仲有阿備呀,你應該知兩年前我個女死咗,佢得十八歲。佢同朋友去大嶼山宿營開Party,有四條衰仔得唔到我個女就落藥,我個女就咁畀人輪姦咗。點知落藥重手得滯,阿女就咁死咗。佢哋四個人渣就係姑爺文個侄少傑啲馬。佢四個恐嚇其他人唔好亂咁講,當佢哋未嚟過。四條仆街帶阿女條屍去山邊埋咗,後尾畀幾隻野狗撥開泥土。警察發現佢條屍,已經被野狗咬到成塊面淨係見到白骨,法醫重要驗到原來埋佢嗰陣時佢仲有呼吸。個四條人渣最近判左誤殺迷姦等坐十五至二十年,咁又點呀?我個女呢?佢細細個阿媽就死咗,我得佢一粒女,佢好孝順第一次做暑期工就儲錢買隻勞力士畀我。又話要養番我,佢讀書又叻重生得咁靚。老實講,我頂唔順,我諗過自殺,就算要死我都要拉晒少傑兩叔姪班人渣先,鳴……嗚……我真係好想拉晒呢班人渣!阿備呀!你唔幫我冇人幫到我,幫我冒一次險好嗎? 我求下你啦,就算要我跪喺度都可以!]
他女兒案件劉備當然聽過,但今次經當事人父親說出感受就很不一樣。劉元起已經跪在地上,流下兩行男兒淚,令劉備很心酸扶他起來。他向劉備遞上香煙,兩個人低頭抽煙,一支煙時間應該要有個答覆。這要求可以推得了嗎? 他想起了媽媽昔日的教誨:[人生最大的失敗不是跌倒,而是從來不敢向前奔跑!]
劉備:[不敢冒險才最危險!劉Sir我應承你!]劉備正式接過任務,按照傳統警察出勤時上香拜神,祈求工作順利平安歸來。拜的神就是包公,包公原名包拯北宋合肥人,任職開封府。中國清廉公正代表,後世稱為包青天。傳說包拯辦案不分晝夜,日審陽間夜審陰間,誅奸邪!就算皇親國戚同樣不留情面!
劉備自少在東北過偷偷摸摸生活,就算這幾年和大賊鬥智鬥力破案立功,也及不上在北太極逃亡日子刺激。從小就過着不公平的生活,立志要執法去改變,挑戰不公平 。雖然今次的模式不能堂堂正正,但功能更大,人間正道是滄桑!不是每個普通人能承受得到。

劉元起很高興他肯合作,他就向劉備道出辦事流程和情報資料。還有要了解混黑道的人,所有外形和內在心態,行為習慣等。全部要一絲不苟,稍有出錯後果就是掉命!今次臥底行動全世界只有劉元起和劉備知道,涉及人生安全絕對要極度機密!行動代號(金仔放假)。











P.156

他辭掉警察職位免被人懷疑,年青警察明星,升職史上最快,突然辭職叫人感到太可惜太震撼。
所有臥底都是最好的演員,捱得過去全靠急才應變和演技,演技是需要內涵、智慧、人生經驗和藝術感去推動。就算普通人日常生活工作處事,面對種種人事環境都要保護自己,所以每個成年人也需要有點演技傍身,而劉備天生就是演戲天才。
其實劉備當初入職除了檔案紀錄寫養父是劉弘,他的過去從沒向同事提及,事實上他的主要財富是從工資作投資賺來,當然有這個爸爸,要投資跟著他做就可以。作為首富的兒子,相信全世界人發夢也想不到,劉弘有私生子,其兒子更加入黑社會殺人賣白粉,劉備也從此走上不歸路!
兩星期後,政府剛開發的將軍澳工業區有塊爛地,今晚有一大堆為數五十人的不良青年駕車聚會。在油桶點起火頭,處處煙霧瀰漫,全是喧嘩吵鬧和毒品女人,有如身處地獄。青年進行非法賽車,賭博每次五至十萬,每車一司機一乘客平磅賽。主持人才二十出頭,和英堂新紮紅棍小頭目少傑,他的叔叔就是現任坐館姑爺文。當晚賽事舉行得如火如荼,突然一架殘舊紅色本田思域CRX駛至,吸引眾人目光,這人很陌生,還故意停在少傑車旁阻塞。




少傑和手下落車向其車大力拍:[喂!食屎狗!屌你老味你邊撚個呀?阻撚住我架車!你同我落車呀仆街!]對方很淡定落車,即時被包圍也毫不畏懼,他是劉備!
劉備:[冇!我見呢度咁熱鬧,睇下有咩玩之嘛?]
少傑:[你知唔知呢度玩咩呀?你憑咩玩呀?想玩?幫我挽鞋囉!你?我玩撚殘你就有份!而家即刻同我駛撚開部車躝!唔係我哋即場溶撚咗你!]
劉備從口袋中拿出六萬元:[六皮嘢!走返轉經觀塘繞道出紅磡偉業糖水買碗紅豆沙返嚟。你輸就一半算數,讓你十秒!]
少傑和一眾青年大笑:[又會走條老襯出嚟送上門 嘅!]心想佢根本贏唔到,因為這條賽道正是他主場。他接近半百次在這條賽道比賽經驗,萬一鬥不過他。周邊有人會用車撞他,反正車全是偷來。而少傑所駕駛的更是超級跑車,跟他級數有別。少傑說好!要他把六萬元找個中間人保管,由一個金髮紋身美少女Bo Bo放入透明膠袋。
劉備:[你唔使出錢呀!呢度全部都係你啲人,對我有咩保障先?]
少傑:[使撚咩? 你輸撚緊呀,我輸咗畀你打跛腳點話!]
劉備:[嗱!你話㗎咋!你敢肯定贏,我錢都唔要,你輸咗唔使賠,我剩係打跛你隻腳算!]少傑吞一吞口水,說聲好!反正此人必定跑輸,就算形勢有變也可持人多反口,胆怯避戰就太丟臉。
遊戲正式開始!少傑先開車,駕駛是舊款白色保時捷944,性能和級數比劉備的CRX高出兩班,車從叔叔姑爺文借來。一開始少傑開車應聲彈出,劉備十秒後衝出急起直追,少傑已經開到時速150公里直鏟上觀塘繞道。而劉備就把車開至時速180公里,去到紅磡橋上已被劉備追過。落到紅磡兩人逢車過車,猶如沒有交通燈可言。劉備狂衝紅燈,但又要避開途人。少傑雖狠,但沒有劉備般大膽玩命。劉備先到糖水店放下金錢就攞上車,少傑才剛到,兩人又再追逐,少傑距離開始被拉開。











P.157

由於是名貴跑車,拚鬥時不敢撞他,劉備過了頭後,距離拉開越來越遠,如果輸了給日本車就太丟面。
少傑拿起手機說:[兄弟準備做嘢!] 少傑算技術不錯,未至於被劉備拋離,到將軍澳還有一分鐘車程。劉備突然被一車攔腰猛撞,令他幾乎掉下山陂,少傑趁機立刻從後趕上,超越了他,劉備必敗無疑!
他定一定神看著山坡,他想一想,深呼吸眼神堅定地作了肯定,要走捷徑!把車退後再衝,如蠻牛般直衝山坡呀!車不停的震,震得五臟六腑快要衝出體外,要全力揸緊軚盤,免被搶軚而改變方向。鏟過一草地又平又斜又平又斜。好震!要贏就沒有退路!車唔要命都唔要!落點在終點附近。少傑趕到剛在他後面,劉備用車尾頂住少傑。少傑想過頭,劉備又頂,劉備第一個衝過終點!他贏了!當然吧,每一個特種兵必須接受這特技飛車訓練。
他落車拿起剛買的糖水左搖右擺,少傑面如死灰:[你亂行!乜規矩呀!]
劉備:[你冇話唔得呀!咁你搵人撞我又咩規矩呀?快啲派彩,同攞番啲錢出嚟!]
少傑:[全部同我上!]劉備看見那少女Bo Bo在逃,他手急眼快一個箭步攔住BoBo,[攞番啲錢嚟!] 一手從他的手袋搶回金錢。一眾黑青,有些持刀棍襲來,劉備把刀踢開,一蹲下就把其中一人的腿抽起把他撻地。搶過他手上的鐵通,幾下起落就打掉三人。
一人為了打劉備衝過來,快要撞到BoBo,劉備一手抱起她,一棍打倒對方和抱著BoBo,冷不防她從裙子大髀內側,取出一把刀直插劉備腹部!他手急眼快一手拍開,但他沒有推開BoBo,他竟然反過來擁抱她:[唔使驚!我會保護妳!]真是情聖本色。BoBo一臉羞怯,不知所措心頭亂跳。我剛才搶他錢,還想刺他,他竟然反過來保護我!一時間感動得全身酥軟,抱著劉備彷彿一下子逆轉成為他的人。
他拖著BoBo的手,擊倒數人。少傑見勢色不對,上車打算開車撞他,劉備一棍飛中少傑雙腳。他一痛跌下,劉備放開BoBo衝前,執起地上鐵通怒吼:[ 以前我唔知咩叫自己攞嚟衰,而家知啦!係你自己話賠隻腳架!亅 鐵通全力向下一揮,大力掃向他小腿!噹!少傑大叫,尿濕了褲。鐵通前頭噹一聲打中,全場靜止!劉備把鐵通打得彎曲,少傑受驚過度眼淚鼻涕流出!
劉備:[呀!咁都打唔中,你真係好彩!] 鐵通距離少傑腳俓半吋,但只是鐵通前頭擊中地面而停下。劉備放下鐵通拿出紙巾幫少傑抹眼淚鼻涕,再扶他起身,他當然是故意打不中放過他,但總算打過,打不打中就是另一回事,也算是個交代。少傑驚魂未定,估計這怪人下一步怎做,劉備遞上香煙幫他點火,少傑抽煙定神。
劉備:[大家年青人唔使咁認真,頭先我玩得好開心!我都想有下次,我自小移民南太極國,今次返嚟冇咩朋友,大家做過Friend,我叫Kenny。]和少傑握手。
劉備:[ 既然大家咁高興,呢六皮嘢,我唔諗住收返,我請大家飲酒。]黑青叫好,大家一笑泯恩仇。就由少傑帶隊去了和英堂的私人會所。
飲酒期間劉備透露自己以前是南太極國安山東成派的頭目,打算返香港發展。




劉備:[我老竇係南太極人喺香港同我老母結婚,小學之後跟佢移民去南太極國。佢兩個早死,我留喺南太極國本來撈得唔錯,後尾同當地警方有啲誤會咁啦。]







P.158

少傑:[誤會?著草就著草啦!過嚟香港同我拍住上,大把水你揾。]
劉備等他這句話已經等了一整晚,但他不急於答應說:[飲喇!你老味!]

剛才劉備保護的少女BoBo在旁,她五官標緻身材嬌小而豐滿,曲線伶儱,迷你纖腰少得像辣椒,兩片朱唇微微張開,豐滿婀娜相當诱人,一頭金髮身上有不少刺青,有如地獄使者但又妖媚撩人。她以醉作藉口挨向劉備身旁說:[好呀,Kenny哥猜返板先!我同你拍。]眾人大吃大喝好不高興,劉備就盡量保持清醒觀察他們。
當晚Kenny和BoBo有下文,做得江湖人就要入型入格。女孩子想幹,你就勇敢去幹吧!當然從女人入手容易得多。Kenny讚美幾句甜言蜜語,女人在床上得到滿足,一切好辦。明天和她吃完飯,送了一條幼身白金鏈给她。小妮子還不敢獅子開大口,她高興得以為找到老公。很短時間在BoBo身上套出和英堂的人物權力架構和生意,當然這只是初步。如果不是對方投懷送抱,劉備也覺得自己卑鄙,但無疑劉備的確是這項任務最佳人選。




往後劉備盡快和少傑這廢青混熟,中間也問了很多少傑搵錢方法。但總問不到毒品來源,暫時並未發現少傑犯毒,他的毒品全是自用。那麼劉備必需要正式入會步向高層之路,因為可能姑爺民的毒品生意越大,幫中知道的人就越小。劉備向少傑表示對其生意有興趣,但必須要劉備成為幫會自己人才有資格去做,免秘密外洩。以Kenny出眾能力自問當不起他老大,向叔叔姑爺文表示後,就由幫中第三把交椅咸旦親自去接見。
咸旦是旺角四咸之首,旺角四咸在九龍西一帶極具名氣,財雄勢大。咸旦是咸氏四兄弟的老大,四人分別是大哥咸旦,真名(咸誕)職位二路元帥、二哥咸菜(咸蔡)白紙扇、三哥咸魚(咸余)紅棍、四弟咸豆(咸竇)紅棍。四兄弟為親兄弟,年約三四十歲,是姑爺文身邊四大護法。咸旦為姑爺文最信任的人,四兄弟跟隨他多年。
少傑在酒吧邊傾邊等咸旦到來,咸旦出現!他身材高大,比劉備還要健碩,他向劉備握手故意用力示威。劉備也不甘示弱,直至咸旦面上露出痛苦表情就立刻放軟,咸旦反握他就有點不好意思就放手。
劉備:[旦哥你好有勁,真係要跟你學下嘢!]咸旦心想這個Kenny故意讓賽,很會做人的世界仔。
咸旦:[你叫Kenny,你喺南太極國嚟。我未見過南太極國身份證,可唔可以畀我見識下。]咸旦此話一出,全場忽然靜默,大家也想看看這神秘的Kenny。劉備淡定從銀包拿出身份證:[我移民後再回流轉返嚟入返香港藉。]他遞上香港身份證一九七零年出生金善男Kenny。
劉備:[真係唔知依家社團見工都要睇身份證,你哋公司真係好有規模同制度。]
咸旦:[影得你幾靚仔呀!唔做姑爺仔嘥咗你喎!]
劉備:[有你哋老頂姑爺文,我點敢認呀!]
在旁Bo Bo撒嬌輕拍Kenny:[你就就想呀,去做姑爺仔,我實唔肯過你!]











P.159

咸旦:[唔係你哋老頂,係我哋老頂。你唔係想跟我乜?聽日下晝封返封老毛上嚟慢慢傾。]
劉備:[多謝旦哥!]
咸旦:[聽講你手車好辣喎!幾時走番轉呀?不過我就唔好彩呀,頭先泊車畀人抄咗牌,三百二事小畀人抄唔抵呀!]
劉備:[唔使咁緊張呀,我運輸署有人,我有個表弟喺嗰度做,你攞畀我,我搞掂佢呀。]
咸旦:[係真唔係呀?你攪得掂,我識啲警司朋友都搞唔掂。]
劉備:[信我呀!]
咸旦:[傾完啲正經嘢,猜返板先啦。],咸旦就和這新門生Kenny猜財拳。劉備先認真猜三板看他能耐是否需要讓賽,咸旦已算是財拳頂尖高手,劉備也可全取三板。劉備之所以贏,就是他能夠很短時間掌握對方的出拳節奏,和出拳前的手勢。劉備用彈弓手,只是他彈得太快。他這個人習慣做什麼,由小玩意到大計劃,也肯去思考破解之法。之後劉備就故意輸,造成半斤八兩的情況。咸旦跑慣江湖,哪會不明對方用意,這小子絕對是可造之材。
明天劉備到咸旦旺角辦公室,該公司是一間合法財務公司。劉備上去咸旦就介紹公司的架構,問劉備以前在南太極國東成派的事,他一早已把假的過去背熟,當然之前已搜集大量真實人物和資料,提升可信性。咸旦收到劉備入會費利是遠高於正常會員水平三萬六千元。另再奉上一封利是紿他小朋友買玩具五萬大元。劉備這人為了辦事不惜自掏腰包。
劉備:[旦哥呀!你都聽過我嘅過去戰績,你唔會要我做四九仔呀?]
咸旦驚訝Kenny賄賂自己,先袋好利是笑說:[你咁心急想上位,你咁做我最多都係畀多啲機會你,都要你夠料先有人會服你。香港幫會有個特別制度,閹正之後即刻做大底,叫做平地一聲雷,極少人可以。我哋香港嘅社團正路嚟講有意思入會嘅人,要有一年試用期,職位叫藍燈籠。封咗利是後代表你已死,等良辰吉日舉行入會儀式後就叫重新做人。通常閹咗後就由四九仔基本會員做起。醒目夠料就有部分會三年內紮做大底,三年不紮就叫老四九,大有人在。你想即刻上紅棍平地一聲雷,可以!你搞唔掂嘅我會照樣搣柴,咁啦,我借十個人畀你,你同我打條元州街返嚟,再傾!]
劉備說冇問題,跟住就有主持入會儀式的先生辨理入會儀式。劉備跪拜岳王岳飛上香,香港古惑仔敬拜的神是岳飛,江湖人崇拜他精忠報國、忠義勇武。劉備正式成為和英堂會員,口頭上職位是四二六紅棍大底,咸旦安排他做兩場大龍鳳,成事後再正式補辧紮職的儀式,如有失手會自動降級回四九仔,必被同門恥笑,以後難以立足,所以今次行動有前無後打死罷就!
劉備帶領十人,包括自動請纓的少傑。他帶隊到元州街深水埗的食肆打躉,這本是和英堂的地盤,和英堂紮根地主要在旺角深水埗一帶。當地食肆收保護費的地盤最近被老興會吞拼,由食肆老闆道明情況。
劉備:[放心!你畀開幾多,就幾多。只不過最後畀邊間公司?你好快有個答案。]當老興有人來收陀地時,他就挺身而出打退對方高呼:[我係和英堂Kenny以後呢度我睇,有咩唔妥叫你大佬同我出嚟傾!我等你!]
最後觸動老興會坐館神經,龍頭大佬虎鯊禦駕親征,帶同五十人要會一會Kenny,劉備叫兄弟們只需保護好自己。他要擒賊先擒王!那一役老興見人就劈,劉備早叫兄弟穿上保護衣。劉家軍愈戰愈勇,大家佈了一個作戰陣式。十兄弟聚在一起背靠背,Kenny領頭 一條龍陣式直殺過去,目標直取虎鯊。十位兄弟圍圈保護Kenny單挑虎鯊,幾下交鋒養尊處優的大佬那會是Kenny對手,他衝前一刀架在虎鯊頸上。
虎鯊:[你想點呀!你郁手成個和英堂都保你唔住呀 !]
劉備:[ 嚇鬼呀!地盤原本係我哋,我幫公司攞番都好應該,仲唔叫你啲人停手。]遠處有警車聲,他放手。虎鯊拋下一句:[我實覆灼㗎!睇扒呀!]就各自走。之後劉備叫咸旦的門生可多派大軍在附近出入,劉家軍就駐守陣地,老興不敢妄動,加上打鬥令警車長期戒備,虎鯊不能出手日子漸久,變相重奪元州街話事權,大局可定。
而另外元州街尾長沙灣昌華街小巴總站,雖是和英堂管理,小巴目的地是土瓜灣、觀塘屬聯發勢力範圍。
黑勢力滲入小巴行業相當嚴重,包括開闢新線、收取服務費、日常入線費和晚間泊車費,實質全是保護費,因不交費車頭玻璃會無辜受損。
和英堂最近因入線費抽佣和柴狗有爭執,劉備帶兵和聯發開戰,柴狗那會是他對手,當形勢比人強,講數時條件就好傾,最後達成協議,咸旦驚喜這新門生的能力比幫中紅棍利害得多。
咸旦上一次的交通罰款,真的畀Kenny搞掂,這個人真有辦法,所以後來很多生意也預Kenny一份。其實劉備根本就沒什麼辦法,也不是向警察交通部走後門,這是犯法的,他沒有表弟,更不認識運輸署的人可作行陏。簡單點!三百二十元他暗地裏自己代交,卻能極速拉近關係換來更多生意更多情報。