如果你可以回到過去，你會點⋯⋯

我叫天俊，今年二十六歲。我冇咩特別，打工狗一個，老細叫咩我做咩。
我成日都喺度諗，如果我以前比心機D讀書，依家重係唔係打工狗；如果我以前對我初戀好D,佢依家重係唔係我女朋友⋯⋯
邊有咁多如果⋯⋯
呢晚，又要開ot，又唔知幾點先有得走。阿希同Vicky係同我一齊ot既同事。
「今晚又唔知幾點先有得走，唉」
「喂，猜輸左落去買嘢食吖」
「唔洗啦，我落啦」
就係咁，我落左去買野食。
周圍都閂曬門，得些粉有開，入左去買點心攞翻去叮。
行翻去個陣，見到前面有個醉酒佬，諗住拿拿臨行過去費事佢搞到我，正當我加速既時候，就比個醉酒佬捉住左。


「點解我做咩都⋯做咩都⋯冇用⋯呀」個醉酒佬捉住我
「其實咁既，我就要趕翻去做野，不如你比我走吖，有咩野聽朝訓醒咪又一條好漢」
「我做咁多野，都係⋯冇！撚！用！」條友攬住我喊
「阿叔，阿叔！我要翻上去做野阿，阿叔！」
我叫極佢都唔理，我推一推佢，原來佢訓著左⋯
我放低佢系地下度，即刻走翻上office。
「做咩咁耐阿」
「唉，頭先有個醉酒佬搞著我阿，唔講住，攞D野食去叮先。」
等緊D野食叮個陣，諗住攞手機睇下，系褲依攞到部唔係我既手機。
開黎睇下，屌，個阿叔同個阿姨打茄輪⋯⋯


正當我諗住用佢部手機打比其他人叫佢攞翻部手機，咩手機黎嫁，打唔到出去既，我不斷亂㩒D號碼都打唔到，直到我㩒到⋯
20120901⋯⋯
部手機突然勁震，又愈黎愈熱，我即刻攞開部電話，放低之後，比部電話吸左入去⋯⋯