因為一次意外我獲得神奇力量可以隨心所欲，結果........: Ch.3 係時候改變下我既人生(3)

事情一如余立信現今的運勢十分順利，Derek主動向許經理交回鄭亞傑等重要客戶。這點其實並不意外，Derek畢竟是個聰明人懂得審時度勢彷彿預料余立信如日方中，把他變成敵人是萬萬不智的事，余立信亦懂得收買人心不久介紹了不少有潛質的客戶給Derek加以培養，兩人就成了一股新勢力。

午餐的主菜過後余立信吩咐部長製作精美的甜品。這款椰汁燕窩十分昂貴，相等於一般打工仔的幾頓午飯，余立信是在顯示自己的誠意和豪爽。

「多謝哂喎CHRIS，今餐好豐富。」玲姐抹嘴邊讚揚道。

「好快又下一次等CHRIS攞獎既時候咪又請食野囉。」SUE道。

一輪的讚美話快要淹沒余立信腦海，他絕對清楚這些都是虛偽的或是帶刺的，但不知不覺都讓自己覺得飄飄然。





回到分行，不知是否吃得太飽還是餸菜太油膩。余立信感到有點倒胃的嘔吐感。

「CHRIS，得閒嗎？」敲門進來的是KIM，看樣子他精神飽滿了很多，模樣神情都比以前神采。

「梗係得啦，兄弟。」不知道是為什麼，余立信一見到KIM那種想嘔吐的厭惡感便煙消雲散，他感觸地和KIM來個熱情的擁抱。

「嘩？做咩咁感觸，唔係啲RM蝦你嘛，應該冇可能既。」KIM輕拍這個摰友的背部十分關心他今天的狀況。

「唉，恰我就未有，不過呢班人真係好假囉，頭先食飯真係好鬼辛苦。」





「都話裏面班人全部都係豺狼，所以你之前話會捧到我上RM我覺得無可能。」

「吓，我捧你上RM？唔係吓？我又唔記得有啲咁既事。」

雖然余立信不太記得KIM在說甚麼，但性格卻驅使他接著道：「我帶你上位有邊個唔服？以前佢地咪一樣睇我唔起，但我依家已經坐到RM個位。」

「其實呢幾個月你都餵左好多張單比我我已經好滿足。」KIM的回答充滿真誠：「我知道自己唔係做RM既材料，你想我好我係明白但出面啲人會唔服。」

KIM拍拍余立信的肩膊繼續道：「我記得我早你一年入行，但係你做左唔夠半年已經熟哂個system。點解？因為你勤力，因為你對銀行的產品有觸覺。」





余立信聽到KIM這番話後感觸想落淚，他是唯一一個會明白他讚賞他的同事。

「識system冇用既，開到單有數至係王道。」

「你冇運啫，好似Michael 呢啲淨係識屈大陸人有舅父照之外佢識咩？你唔同，你真係識sell野，而且我覺得呢一年你好似特別好彩，個天有眼係會照顧有實力既人。」

我的確係行運仲要乜有乜，你真係犀利呀兄弟。

「講開又講我今晚落信和喎，你有冇時間陪我去旺角一轉。」Kim問道。

「旺角？你又買模型？定係新game？」

「Take the rest 3出左啦喎。你以前好鍾意打，你記唔記得我地初初識既時候同你研究take the rest 1隱藏波士果關。」

「我記得，我上左你屋企打左三個鐘研究幾份攻略，足之就攞到最終武器SM大佬嘛。依家諗番真係唔知點解會咁投入去玩一隻遊戲。」





「咁唔好咩，我地果時都唔知幾開心。」

「其實根本唔值得開心，贏左有得到啲咩，依家諗番太曬時間太幼稚。」

「咁又係，依家你又點會理呢啲無謂野。得啦我出去做野先啦。」

看見KIM失望的樣子余立信就心軟:「今晚早啲收工去啦，我都好耐冇做個電車男啊。六點好唔好 ？」

KIM燦爛笑笑非常滿足地離開 。

看著KIM漸漸消失的身影，他知道自己將會和這個兄弟距離越來越遠。