因為一次意外我獲得神奇力量可以隨心所欲，結果........: Ch.4 點解仲係咁多野煩(3)

研究好戰略之後余立信馬上安排工作，由主任調職成經理助理的ANNA正正幫助他解決不少繁複的文件工作。
 
「馮生既Mortgage盡可能下個星期完成，一陣你幫我約返之前幾個客同整好幾份基金書，我要盡快完成今個月既target。」
 
余立信說畢後看見ANNA面有難色馬上奇怪地道：「咩事呀？你唔舒服？」
 
「唔係呀，你無端端叫我做咁多野。但係我三點鐘要走啦。」
 
「吓，係咩？點解我唔記得嘅？你去邊呀？」
 




「我之前有同你講我去整蛋糕嘛，其實你係咪好多野做？一係我改時間啦。」
 
余立信發現自己失憶了：「唔係唔係，係我自己唔記得啫。你去整蛋糕啦，男朋友生日係嘛。」
 
「係拍拖週年紀念呀，其實你有問過我。」
 
「哈哈哈～係咩？咁你而家走啦，早啲去準備。」余立信看見ANNA好像不太情願早退，費了很多唇舌才勸導她離開。
 
余立信細心想著，這女孩工作上有細心又勤力，私底下對男友應該是無微不至，和靜婷相比可能會更好，如果⋯
 




電話響起。
 
余立信不敢怠慢接下，因為這正是鄭亞傑的來電。
 
「鄭先生你好，是是是，我會努力安排。」余立信以蹩腳的普通話回應。
 
「唉，小余你的普通話怎麼這樣爛，快學好一點不然在我的朋友面前出醜。」鄭亞傑有點像長輩般教訓道。
 
余立信唯唯諾諾地聽著鄭亞傑半帶責罵的語氣差不多五分鐘才掛斷電話，心情立即跌落谷底。沒錯他銷售技巧和銀行知識都極為出色，但在語言和學歷方面卻遠遜於其他人。
 




「唉，你估我想啲普通話咁差咩，我啱啱至攪掂個學位咋。最衰就係冇時間，聽日又要上英文堂…個CFA連報course都未得閒。」
 
余立信想著想著開始抱怨時間不足：「最衰就係以前冇錢讀書搞到成三十歲人至讀完個學位，英文又唔夠人地好…鬼咩！輸係起跑線上。如果我老豆老母供到我讀大學我駛乜咁辛苦？家下連CFA個位都有啦。」
 
余立信繼續自言自語埋怨道：「點解我唔係有錢仔，點解我到依家都未發達？如果唔使做就好啦，日日係屋企舒舒服服嘆世界，得閒去打下Golf遊下水曬下太陽…」
 
余立信突然間感到非常不安：「呢個願望好恐怖…我唔要唔駛做…一啲都唔好。」他不知道為何全身這麼害怕好像有個不知名的恐懼遊走他全身。
 
「睇黎你都發現到力量既反噬性。」
 
余立信一聽聲音就知道是神崎出現：「你每次都係我的疑惑既時候出現。」
 
「呢個都算係我既責任。」
 
「剛才恐怕係我意識到隨心所欲會將我的願望成真，雖然我解釋唔到點解咁驚，但係我估到願望成真需要付出好大代價，本能地我就立即否定左呢個願望。」




 
「你好厲害，力量同你好似已經融成一體咁，不過你今次意識到並唔代表你日後可以控制到，人既慾望係無止境的。」
 
「哼，我諗我並唔係你想像中咁脆既。但有樣野我想問你好耐，點解我成日都唔記得發生左咩事，同埋時間點解會過得咁快…半年既日子好似眨下眼咁…係咪力量既副作用。」
 
「仲以為你已經領悟力量既完整性。原來咁簡單既道理你都唔明，你一心想達到目的就自然希望日子快啲過，經歷的事情就會變左模糊。基本呢種效果係源自力量同你的思想。」
 
「係咩？咁我諗返住啲時間過番慢啲咪冇事囉。」
 
「人類的性格就係急進，你認為你可以有耐性慢慢等待你想要既野？」
 
在神崎消失後余立信細心想了很久，他一直以為自己已經掌握力量的竅門，如今他又發現這力量相當陌生但他仍有著信心去駕馭，當他被力量反噬自己一無所有時才發現自己是何等愚蠢。