因為一次意外我獲得神奇力量可以隨心所欲，結果........: ch.6 我嘅人生應該活得更好(7)

余立信察覺三人面色一沉似乎暗示：你們這群小子竟然不識抬舉。
 
氣氛一下子凝重起來，然後鄭亞傑走到余立信面前拍着他的肩膊道：「這些錢只是見面禮而已，又不是需要你們說什麼銀行裏的秘密。」他把那個公文袋放在余立信手上：「這些錢你們花光了也不會有任何人知道，對嗎？」
 
余立信明白現在已騎虎難下，鄭亞傑好像是設了一個局讓自己受賄般，他知道自己是無路可逃。
 
XXX        XXX
 
「嘩你睇下佢幾有錢，個戶口有成幾千萬，頭先我睇佢隻錶都成十幾皮呀。」還是櫃檯職員的余立信對於剛才服務的客人評頭品足。
 




「頭先條友講野九唔搭八好似冇讀過書咁，真係唔明佢點解有咁多錢，我估佢啲錢都唔方乾淨得去邊。」身旁的Kim道。
 
「我理得佢黑定白啦，如果俾我有咁多錢啦就算叫我做乜都肯啊。」
 
「咁幫啲濶太瀨吓下面好唔好？」
 
「使唔使咁肉酸啊，以我嘅犯罪天份梗係洗下黑錢收下賄賂，賣下白粉咁啦。」
 
「你講下好啦。」
 




「唔係喎，我真係喺度諗，打份工搵得幾多？如果頭先個條友真係洗黑錢而我又幫佢洗得乾乾淨淨，佢俾返一百幾十萬我都發啦。」
 
年輕的余立信一直都期待這種機會，現在也終於知道自己這種期待是多麼的幼稚。
 
XXX        XXX
 
余立信抱着那公文袋離開了福臨門，警覺地環顧四周害怕會碰到什麼人發現他收了賄賂。
 
隨行的Derek沒有作聲跟着余立信走， 吳世權就不停地埋怨讓他走了這趟渾水。
 




「有冇搞錯啊又話食飯，點知原來係收黑錢，你而家擺明綫九我嘅啫。」吳世權極為不滿邊走邊罵：「都唔知佢會叫我地做乜，一陣叫我地幫手買白粉，或者殺人放火咁我咪仆街。」
 
「你有乜理由收佢啲錢？做人都唔經大腦，下次比支槍你你咪幫佢冧友。」
 
「屌你老母，你講完未？」余立信停下來勃然大怒反擊：「頭先咁既情況我可以唔收咩，你唔係見唔到佢地三個大佬黑哂口面。你教下我點做？」
 
「咁你都冇理由收佢地啲錢……」吳世權馬上低頭細聲嘀咕。
 
「唔收佢哋錢你認為仲有生意做咩，你咁巴閉頭先又唔出聲，成日喺度左縮右縮，有着數你就攞有鑊又唔見你揹？。」
 
吳世權已經無言以對，他本身只是個懦弱的傢伙。
 
「今晚大家都洗濕左個頭你冇得話唔玩啦，記住以後你就唔好諗住埋其他人堆，啲錢我會直接入你戶口，你返屋企諗下啲錢點洗，走啦，返屋企啊！」
 
趕走了Marco後余立信煩惱地走到街口一個後巷點起香煙使勁地吸，一直沉默的Derek終於開口：「Chris，你知唔知咁樣好大鑊，依家咁搞法比上面知道我哋分分鐘要坐監。」




 
「我知，但有咩辦法，頭先你都見到鄭亞傑焗我要左啲錢……」
 
「不如俾返佢哋啦，我哋就算冇呢班客都唔會死姐。」
 
「錢都收咗點能夠話唔要，啲錢我會搞掂啦。」余立信其實毫無頭緒只是強裝鎮定：「你唔使擔心啦有咩事我會一個人揹哂。」
 
「大家兄弟黎嘛，坐埋同一條船有咩事咪一齊拆掂佢囉。」Derek看看手錶：「都夜啦我返屋企先，睇下有啲咩計度度佢，鄭亞傑真係唔好再同佢合作啦。」
 
余立信掩著半邊臉抬頭望著天空，突如其來的事情超乎他的認知範圍令他手足無措，但他絕對相信自己的命運會化解這場危機。
 
呢個世界有幾多有錢人唔係做啲唔見得光既野至發到達？我咁好彩點都唔會有事，冇人可以阻止到我成功，既然個天要我犯法要我收黑錢，好！我就貪夠一億，我就做雷洛。