因為一次意外我獲得神奇力量可以隨心所欲，結果........: ch.6 我嘅人生應該活得更好(9)

「哦，演講最後決定俾Duncan上台，佢係劍橋返嚟老豆又係富高嘅人，王生都想俾佢發揮下。」
 
「但你唔係話俾我上台架咩，我準備咗好耐，之前唔係講定既咩？」
 
「其實邊個講都一樣啫……個會就嚟開始啦，你返埋位去坐先啦。」
 
余立信無奈地坐回觀眾席，仍然深深不忿的他腦海無法平靜下來，看着台上的Duncan如這個研討會的主角般演講就感到憤怒不平，聽着他說出的講辭辭澡浮誇，文過飾非，根本沒有演講者的風範。余立信認為他絕對無資格取代自己位置，他憤恨本來是一眾焦點竟淪為配角，好不容易才捱過研討會完場，余立信仍不放棄地想前往高層要員巴結，他在遠處看到王勤正和Duncan及其父親交談。
 
「我同你爹哋識咗咁耐，加上你有咁出色嘅表現我一定推薦你加入總行。」王勤拍著Duncan肩膀道。
 




「我已經係附近訂咗位，一齊食個晚飯啦王勤兄。」Duncan父親早就安排好幫兒子舖路。
 
「好，不如叫埋安盛嗰邊嘅代表一齊。剛才你地都冇乜交流，佢哋對
 
Duncan既仕途都好有幫助架。」王勤落力地提攜後輩。
 
「仲唔快啲多謝王生，哈哈。」Duncan聽到父親示意才懇切地道謝。
 
余立信冷眼旁觀，這小子有什麼表現？你只是個靠父親上位的二世祖，呸！
 




余立信又看到其他的代表都在場的賓客談得極為投契，自己完全沒法融入這個圈子。
 
「Chris 唔使咁失望嘅，呢度啲人係咁㗎啦，個個都係有後台讀飽書返嚟，你雖然係輸蝕咗少少但仲有大把機會嘅。」許經理安慰道。
 
可是他沒有聽入耳的話，一直以來余立信都想著如何能進入這個新的領域成為其中一份子，可是他現在才知道自己只是一個陪襯在外圍徘徊。
 
何必再次丟人現眼呢？走吧……
 
黃昏的尖東海旁並沒有很多人來來往往，蕭條的情境似乎在襯托他的凄愴，他雙臂托著欄杆向海邊嘆了一口氣。
 




「你出現啦，睇下我有幾衰呢……」余立信知道神崎就在他身旁。
 
「希望愈大失望愈大，唔好咁貪心啦小朋友。」神崎帶着諷刺安慰他。
 
「我唔係貪心，我只係想有更多嘅嘢唔通咁都係錯！」
 
「唔係你嘅嘢你格硬嚟都唔會得到，呢啲係命，而且你乜都要乜都關你事咁咪好唔公平？」
 
余立信厲眼看着神崎：「公平？咩叫公平呀？講天分講才能我有咩嘢輸比班契弟，就係因為我冇家底冇後台，冇人撐冇人理，上台嗰個就唔係我，我可以做啲乜嘢，我有幾努力你知唔知，我返到屋企個老母只係埋怨我點解唔同佢飲下茶，點解成日唔返屋企，人哋啲老豆老母搭埋個台俾個仔上位，我呢？我乜嘢都冇啊。邊有咁樣既老母話自己個仔，我都唔知係咪佢地親生。」